Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 22 April
Onur sien hoe Zeynep ’n trourok aanpas. Cemre spreek harde woorde gedurende aandete uit.
Dinsdag, 23 April
Onur is gebroke toe hy uitvind Zeynep en Ahmet gaan trou. Tugba vat dinge te ver om voor te gee dat sy steeds swanger is.
Woensdag, 24 April
Muzaffer is ontsteld as dit lyk of Nefise nie sy kind wil hê nie. Hy hoor ook hoe sy en Azime van ’n geheim praat.
Donderdag, 25 April
Tugba is baie positief oor hoe haar plan vorder. Ceylan wend ’n ernstige poging aan om Ahmet en Zeynep se troue in die wiele te ry.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 22 April
Aysem ontdek ’n foto van Duru in Aras se beursie. Sy besef hy het haar nie lief nie. Sy besoek Duru om haar te oorreed om met Aras te trou. Ahmet sien hoe Ferda druppels gif in sy wyn gooi.
Dinsdag, 23 April
Ferda en Ahmet herleef herinneringe uit hul jong dae, maar albei besef niks sal weer dieselfde wees nie. Ahmet kry die druppels waarmee Ferda hom vergiftig, maar hy swyg daaroor.
Woensdag, 24 April
Ahmet het Perihan laat ontvoer en hou haar en Ferda albei met ’n wapen aan. Hy konfronteer Ferda oor die gif.
Donderdag, 25 April
Ahmet skiet homself voor Ferda. Sy drink al die gif wat in die botteltjie oor was.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
