Hier is ’n voorsmakie van wat jy hierdie maand in Suidooster kan verwag.
Dinsdag, 1 Oktober
Riaan besef hy was dalk weer verkeerd gewees oor Imelda. Kate is geskok oor Siya se sexy foto, terwyl Wade uiteindelik eerlik met Angie oor sy gevoelens is.
Woensdag, 2 Oktober
Wade en Zoë is seker oor wat hulle wil hê, maar gaan die res van Ruiterbosch dit aanvaar? Gary en Riaan het elk hul eie probleme met Imelda, terwyl ’n geheuestokkie met Siya se oefenfoto’s soek raak…
Donderdag, 3 Oktober
Riaan is steeds agterdogtig. Zoë probeer na Angie uitreik, terwyl Siya koorsagtig op soek is na die geheuestokkie met die foto’s op.
Vrydag, 4 Oktober
Angie bly Zoë se knoppies druk. Imelda doen iets wat Riaan en die hele JPD-span onkant vang. Gary beland in ’n lewensgevaarlike situasie.
Maandag, 7 Oktober
Aiden probeer uitpluis waar sy broer kan wees. Bridgette gryp in as Angie vir Zoë konfronteer en die kerk se kalender is onverwags ’n treffer.
Dinsdag, 8 Oktober
Aiden en Riaan is op Imelda se spoor, terwyl Wade en Lee-Ann oor Zoë vassit. Gary is desperaat en doen iets drasties.
Woensdag 9 Oktober
Zoë word gedwing om vir Wade van haar verhouding met Nazeem te vertel. Kaashifa gee vir Riaan ’n leidraad as Imelda inderhaas uit Ruiterbosch wil padgee.
Donderdag, 10 Oktober
Imelda se ware kleure wys, maar Kaashifa verdedig haar. Nazeem gee vir Carlo ’n plan om Bridgette se tuin te red. Siya is verras oor Brendan se nuwe vriend.
Vrydag, 11 Oktober
Nazeem se woorde veroorsaak moeilikheid tussen Zoë en Wade. Kaashifa kry ’n gulde geleentheid, maar kom dan voor ’n struikelblok te staan. Susan en Siya wil vir Mo help, maar gaan sy dit aanvaar?
Maandag, 14 Oktober
Bridgette klap die sweep by JPD. Zoë is bekommerd omdat Wade haar nog nie gekontak het nie. Mymoena plant ’n saadjie in Kaashifa se kop.
Dinsdag, 15 Oktober
Susan probeer vir Siya oor Mo gerusstel, terwyl Rhafiek se verlede aan hom knaag. Die Jacobse staar hartseer, spanning, leidrade en teleurstellings in die gesig.
Woensdag, 16 Oktober
Riaan kom deel skokkende nuus met die Jacobs-familie. Rhafiek gaan oorboord met Kaashifa en Mo laat die kat uiteindelik uit die sak.
Donderdag, 17 Oktober
Onheil tref Ruiterbosch en die Jacobse se wêreld stort in duie. Die Samsodiens kry groot nuus, terwyl Siya en Susan probeer om vir Mo te help.
Vrydag, 18 Oktober
Siya en Susan het goeie nuus vir Mo. Bridgette is vasberade om agter die kap van die byl te kom, terwyl Rhafiek instaan vir Mymoena, en Kaashifa help met Mufti Badr se ete.
Maandag, 21 Oktober
Bridgette en Lee-Ann soek leidrade. Kaashifa se idee om ’n nuwe restaurant oop te maak vat weer vlam, terwyl Mo daarop aandring om Siya se kaste reg te pak.
Dinsdag, 22 Oktober
Lee-Ann steek iets vir haar familie weg. Siya neem ’n moeilike besluit om Mo te ondersteun, terwyl Kaashifa ’n onverwagse aanbod kry.
Woensdag, 23 Oktober
Mo hoop hulle sal haar tannie kan opspoor, terwyl Kaashifa iets vir Rhafiek en Mymoena wegsteek. Lee-Ann sukkel om die werklikheid in die gesig te staar.
Donderdag, 24 Oktober
Kaashifa is gefrustreerd met Rhafiek en Siya ontdek iets skokkend oor Mo se tannie. Debbie gee vir Lee-Ann stof tot nadenke, terwyl Bridgette vasberade is om wraak te neem.
Vrydag, 25 Oktober
Speurder Malherbe is glad nie beïndruk met Wade en Bridgette nie. Kaashifa vind die perfekte plek vir haar nuwe restaurant, terwyl almal bitter jammer vir Mo is.
Maandag, 28 Oktober
Debbie onthul iets skokkend aan Lee-Ann, terwyl Kaashifa weer moed het vir haar restaurant. Mo is op ’n wolkie…
Dinsdag, 29 Oktober
Bridgette laat Debbie goed verstaan wat haar pligte is. Die Jacobse kry nog skokkende nuus. Kaashifa gebruik `n familie-ete om haar sin te kry, terwyl Lee-Ann se aanvallers vrygelaat word.
Woensdag, 30 Oktober
Bridgette vra haar familie en vriende se hulp. Kaashifa se voorstel vir ’n naam vir die nuwe restaurant word afgekeur, terwyl Kate haar jong huurders uitoorlê.
Donderdag, 31 Oktober
Lee-Ann sukkel om haar woede in toom te hou. Kate het nuwe reëls vir haar huurders. Kaashifa probeer die dag rustig vat, maar dinge werk nie so uit nie.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
