Die Suidooster saai behoorlik amok in Ruiterbosch dié Oktober soos dit van die inwoners se lewens deurmekaar waai en warrelwinde van nuwe intriges dié Kaapse woonbuurt in die mooiste maand tref.
1
Daar is weer onmin in die Samsodien-gesin en rus dit op Rhafiek en Bianca se skouers om ’n oplossing daarvoor te probeer vind, maar dit is makliker gesê as gedaan.
2
Radio Dassie is op almal se lippe is en die slu Nazeem spits sy ore daarvoor. Dít terwyl Kate en Rassie sukkel om op dieselfde golflengte te bly.
3
’n Nuwe gesig of twee duik ook in Ruiterbosch op, waarvan een ‘n familielid van Aiden is… Wie kan dit wees?
4
’n Aantreklike blondine lyk heel sappig vir Juicy Justin. Het hy dalk uiteindelik die regte deksel vir sy pot gekry?
5
Siya en Danni staar ‘n nuwe krisis in die gesig met Brendan se ma Zenobia wat kom kuier en dit boonop blyk dat sy ‘n nuwe ‘n blaadjie omgeslaan het.
6
Soos die Suidooster genadeloos deur die Kaapse strate loei, begin ou spoke ook loop. Só kom klop die verlede aan Lee-Ann se deur en slapende honde word wakker gemaak.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
