The Guardian verwys na die satirisie dramareeks Succession as “Game of Thrones met werklike bloed: ons s’n”.
Dié bekroonde blik op die mag van rykdom – hetsy om verwoesting te saai, lewens te vernietig, redder te speel of wat nog – se vierde (en finale seisoen) begin 27 Maart 2023 op Showmax.
Dis storie draai om ’n opvolgstryd wat in ’n rugsteek-oorlog ontaard as die patriarg en sakemagnaat Logan Roy (Brian Cox) se gesondheid ’n knou kry. Maar die man klou vas aan sy heerskappy en meen nie een van sy vier kinders – Connor, Kendall, Roman en Shiv – is opgewasse om die taak by hom oor te neem nie.
Die nuwe seisoen begin met Waystar Royco amper in die hande van die tech visionary, Lukas Matsson (Alexander Skarsgård). Dís ’n vooruitsig wat eksistensiële angs en verdeeldheid onder die Roys aanvuur… Veral omdat hulle heelwat minder belangrik gaan wees as dié deal eers deur is.
Succession het ’n algehele punt van 97% op Rotten Tomatoes. Buzzfeed verwys na die reeks as “die toppunt van televisie”.
Jeremy Strong is in die rol van Kendall, Kieran Culkin vertolk Roman en Sarah Snook vir Shiv. Connor (Alan Ruck) is die oudste seun uit Logan sy eerste huwelik.
Vang op met die eerste drie seisoene op Showmax voordat jy die vierde aflewering aanpak.
