Menu terloops

Spoorloos: Die eiland

Op Showmax [Gepubliseer op 20 Jul 2023]


‘Spoorloos: Die eiland’ is die vierde uittog van dié spanningsvolle TV-franchise. Bobby van Jaarsveld vertolk dié seisoen die hoofrol.

Kyk nou

Spoorloos: Die eiland
Kyk lokprent

Soos met die vorige seisoene (al drie ook op Showmax), is die vierde seisoen van Spoorloos, Spoorloos: Die eiland ’n losstaande spanningsverhaal. Dus het dié reeks heeltemal nuwe karakters en ’n nuwe storielyn.

In dié seisoen word ’n avontuurlustige argitek, Stefan Claassen, se lewe in chaos gedompel as ’n toevallige ontmoeting met sy lang verlore liefde nie net sy gevoelens vir haar opnuut laat opvlam nie, maar hom ook in ’n web van leuens intrek as sy dan vermis raak. Stefan word natuurlik die hoofverdagte in die saak…

Izel Bezuidenhout van Flatland en Dis ek, Anna, vertolk die vermiste Emma.

Die rol van Stefan word deur die sanger en The Voice SA-beoordelaar Bobby van Jaarsveld vertolk. (Lees ons onderhoud met Bobby oor sy Spoorloos: Die eiland-rol hier.) Hoewel Bobby al in flieks soos Liefling en As jy sing gespeel het, is hierdie sy eerste rol in ’n TV-drama. Ons resensent, Tarren-Lee Habelgaarn, skryf dat Bobby hom goed van sy taak in ’n ernstige, dramatiese rol kwyt. (Lees ook ons resensie.)


Vanaf Donderdag, 20 Julie 2023, op Showmax beskikbaar om te stroom.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies