Hier is ’n voorsmakie van wat jy hierdie maand in Skemergrond kan verwag.
Dinsdag, 1 Oktober
Jasmine vertrek na die hospitaal vir haar breinoperasie ná ’n emosionele totsiens. Christine kom tot ’n gevolgtrekking wat haar lei na ’n nuwe plan. Ruan en Patty neem die volgende groot stap.
Woensdag, 2 Oktober
Almal wag in spanning om oor Jasmine se operasie te hoor. Patty en Ruan deel hulle goeie nuus. Gloria dwing haarself om met Kevin op te breek.
Donderdag, 3 Oktober
Hazel en Ronnie baklei, en Christine neem kennis daarvan. Gloria jaag Kevin met ’n swaar hart weg. Shakiel gee vir Junior ’n interessante idee. Lily en Jasmine deel ’n intieme oomblik.
Maandag, 7 Oktober
Hazel ontvang ’n ontstellende boodskap. Brandon en Sylvia is hard besig om te repeteer. Gloria wag met vrees vir die dag wanneer Beeno haar kom haal.
Dinsdag, 8 Oktober
Die Louw-familie reël ’n spesiale aandete by die huis, en Christine daag onverwags op. Gloria is moedeloos as sy sien hoe goed Fabian en Beeno oor die weg kom. JP deel skokkende inligting met Hazel.
Woensdag, 9 Oktober
Brandon en Sylvia se groot dansvertoning breek aan, maar sal dit ’n sukses wees? Christine wil Hazel se slegte bui uitbuit. Jasmine en JP wonder oor die video.
Donderdag, 10 Oktober
Lily maak oop teenoor Erica oor haar gevoelens vir Ruan. Kevin is vasbeslote om van Gloria aan te beweeg. Sylvia en Brandon is bekommerd oor Erica se reaksie teenoor hulle.
Maandag, 14 Oktober
Lily help Hazel om die spanning tussen haar en hul ouers te verlig. Junior twyfel of hy sal kan byhou by die dansklasse. Amber en Louis mis mekaar baie.
Dinsdag, 15 Oktober
Amber begin haar verhouding met Erica herstel. Jasmine deel haar kommer oor Ruan en Lily met JP. Patty draai Lily se arm om die verlowingspartytjie by te woon.
Woensdag, 16 Oktober
Christine stuur die video aan ’n paar vriende van die Louws. Ruan is verskeurd ná Lily se bekentenis. Junior verras almal by die nuwe dansskool.
Donderdag, 17 Oktober
Erica warm op teenoor Amber. Jasmine en JP kry leiding van ’n geskokte dominee. Ruan en Kevin besin oor hoe ingewikkeld romanse is. Ronnie is ontsteld oor Junior wat dansklasse neem.
Maandag, 21 Oktober
Lily bly aandring dat Ruan saam met Patty moet wees. Gloria maak oop teenoor Tasneem oor haar lot in die lewe. Christine is boos omdat haar plan gefaal het.
Dinsdag, 22 Oktober
Amber konfronteer Lily oor haar vreemde optrede. Junior het ’n plan om Amber en Louis bymekaar te bring. Patty vermoed dat daar iets tussen Ruan en Lily aan die gang is.
Woensdag, 23 Oktober
Patty het ’n moeilike besluit om te neem. Lily deel skokkende nuus met Erica. Hazel is gefrustreerd dat Ronnie teen Junior se dans is. Beeno sit Warren op sy plek wanneer hy oortree.
Donderdag, 24 Oktober
Erica weier om Lily te glo, maar sal iets haar van plan laat verander? Christine en Ronnie leer mekaar beter ken. Patty en Ruan probeer op hul eie maniere deur hul pyn te werk.
Maandag, 28 Oktober
Christine maak vir die Louws ’n aantreklike aanbod. Erica en Lily probeer hard om Amber en Louis uitmekaar te hou. Ruan probeer uitvind of Patty oukei is.
Dinsdag, 29 Oktober
Amber vra Jasmine om Lily van haar rug af te kry. Junior blink al hoe meer uit in die dansklasse. Christine en Ronnie beweeg al nader aan mekaar, en Hazel konfronteer hom daaroor.
Woensdag, 30 Oktober
Junior moedig Louis en Amber aan om in die geheim te ontmoet. Patty ontvang ’n vreemde geskenk. Ronnie is verheug wanneer hy hoor Christine sal in die omtes wees, maar probeer dit wegsteek.
Donderdag, 31 Oktober
Louis is geskok deur die waarheid oor Amber. Christine wurm haarself by die Louw-huis in. Patty kry ’n vreemde oproep. Junior is bekommerd oor sy ouers.
Skemergrond saai weeksdae uit om 19:30 op kykNET&kie (DStv-kanaal 145) en DStv Stream. Dit is ook ná uitsending op DStv Catch Up beskikbaar.
