Hier is ’n voorsmakie van wat jy hierdie maand in Binnelanders kan verwag.
Dinsdag, 1 Oktober
Elise sukkel om Uys en Annetjie se emosies te hanteer, en LJ gee vir Conrad goeie raad. Tertius wil hê Tracy en haar ma moet dinge uitsorteer.
Woensdag, 2 Oktober
Tracy verspeel haar kans om spoke uit die verlede ter ruste te lê. Elise begaan ’n enorme fout – al is dit met goeie bedoelings. Conrad gee vir Delia die groot aand wat sy nooit gehad het nie.
Donderdag, 3 Oktober
Elise skarrel om ’n plan met ’n kat te beraam, en Conrad en Delia is hoogs verlief. Thalia kan nie uitgepraat raak oor haar matriekafskeid nie, en Tracy is bekommerd oor haar ma.
Vrydag, 4 Oktober
Tertius is moeg vir Tracy se hardkoppigheid, en neem sake in eie hande. Uys vind uit wat sy hooikoors veroorsaak. Annetjie sien iets wat ongemaklikheid tussen haar en Delia veroorsaak.
Maandag, 7 Oktober
Annetjie vind Uys se optrede baie vreemd en maak die verkeerde afleiding. Lukas waarsku Delia oor haar verhouding met Conrad, en Tertius kry skokkende nuus oor Rentia se verlede.
Dinsdag, 8 Oktober
Elise onderskep ’n poskaart van Karen, en dit beland in Annetjie se hande. Conrad en Deli
Woensdag 9 Oktober
Elise besluit dit is tyd dat Annetjie en Dricus mekaar ontmoet. Tertius vra Lukas om hom te help, en Tracy hoor interessante nuus.
Donderdag, 10 Oktober
Tracy neem ’n besluit wat teen Tertius se grein gaan. Delia moet walgooi wanneer nóg ’n groot besluit voorgestel word. Elise is dankbaar dat beide haar vriende se harte weer heel is.
Vrydag, 11 Oktober
Joe voel vir ’n pasiënt wat aangerand is, en Sally verwar Ella met Marissa. Tracy is kwaad vir Tertius, en Uys vryf Nicolette verkeerd op.
Maandag, 14 Oktober
Uys voel skuldig wanneer hy uitvind Nicolette se ouma is siek. Sally weier om te aanvaar Ella is nié Marissa nie. Max voel hy moet Joe harder druk – maar Joe is nie seker of hy ’n chirurg wil word nie.
Dinsdag, 15 Oktober
Tracy gee Tertius al sy dae met haar bekommernis oor Leah se olikheid. Nicolette byt Uys se kop af as hy na haar probeer uitreik, en Sally plaas nog meer druk op Ella.
Woensdag, 16 Oktober
Ella vind meer uit oor Sally se verlede, en Nicolette soek desperaat na ’n man wie sy as haar verloofde kan voorstel. Tracy is steeds oortuig dat Leah iets makeer.
Donderdag, 17 Oktober
Tracy probeer uitvind of Leah by Kristien kan oorbly, en Uys stem in om Nicolette te help. Ella wil haar suster se briewe lees.
Vrydag, 18 Oktober
Ella is onseker oor Yvonne se voorstel, maar besluit om tog met Sally te ontmoet. Uys geniet sy nuwe rol as “verloofde”, en Tracy sukkel met Leah, maar weier om vir Tertius te sê.
Maandag, 21 Oktober
Tracy is al meer desperaat om ’n oplossing rakende Leah te kry, en Nicolette is onrustig oor Uys se volgende uitstappie saam met haar pa. Ella kry goeie raad by Delia, maar LJ is geskok wanneer hy besef waarmee sy tannie besig is.
Dinsdag, 22 Oktober
Delia vryf Tracy verkeerd op. Uys sê iets wat Tertius aan die dink sit. Nicolette raak al dieper in die skuld by Uys, en Ella maak amper ’n fout.
Woensdag, 23 Oktober
Tertius toets die waters oor rolspel met Tracy. Die plan om voor te gee Uys is Nicolette se verloofde, neem ’n verrassende wending. Joe kom met ’n voorstel na Ella.
Donderdag, 24 Oktober
’n Woedende Yvonne dwing Joe om sy planne te laat vaar, en Nicolette en Uys sukkel om hulle vriende te oortuig. Tracy en Tertius probeer die liefdesvure stook.
Vrydag, 25 Oktober
Conrad is woedend as Delia hom van Sally vertel, en Nicolette is nie seker wat haar broer dink nie. Tertius en Tracy maak nog ’n afspraak.
Maandag, 28 Oktober
Louis begin die penarie geniet en maak ’n voorstel wat Nicolette dwars in die krop steek. Nuwe verwikkelinge, wat LJ betrek, stoot Ella tot op breekpunt. Thalia kom tot ’n skokbesef oor Tracy.
Dinsdag, 29 Oktober
Thalia kry nog bewyse oor Tracy, en Bonnie is opgewonde oor die nuwe suster wat by Binneland gaan werk. Louis geniet Uys en Nicolette se ‘verlowing’ al hoe meer. Ella voel sy begin al meer kop verloor.
Woensdag, 30 Oktober
Iemand uit Uys se verlede daag op, Thalia kry die kat aan die stert beet, en kan nie verstaan hoekom LJ haar ignoreer nie. Ella wil dinge tot ’n punt laat kom, maar dan loop iets lelik skeef.
Donderdag, 31 Oktober
Kaptein Olivier se lewe hang aan ’n draadjie. Ella maak seker Sally kry ’n duidelike boodskap, en Tertius en Tracy se rolspel neem ’n onverwagse wending.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van Binnelanders is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
