Hier is ’n voorsmakie van wat jy hierdie maand in Skemergrond kan verwag.
Maandag, 3 Maart
Ruan se plan kry momentum. Hazel stuur vir Christine ’n boodskap terwyl Kevin vir Gloria ’n ultimatum gee. Manny ontvang ’n skokkende versoek van Tillie.
Dinsdag, 4 Maart
Tanne is bekommerd dat hy in Ruan se plan kan seerkry. Christine is besig om te konkel. Manny het ’n afspraak waarna hy glad nie uitsien nie.
Woensdag, 5 Maart
Beeno dring daarop aan om op Everlasting te trou. Fabian hoor dat Gloria se troue die dekmantel vir die dwelmtransaksie gaan wees. Christine daag op om Hendrik se gereedskapskas te kry.
Donderdag, 6 Maart
Ruan lig die Louws oor sy planne in, maar hulle huiwer om betrokke te raak. Christine besluit om haar taktiek te verander. Ronnie is bekommerd oor Manny se gesondheid.
Maandag, 10 Maart
Ruan kom op ’n jong meisie af wat in haar kar slaap. Manny sluit by Patty aan vir haar oggenddraffie. Beeno nooi Gloria uit vir ’n onverwagte uitsappie na Everlasting.
Dinsdag, 11 Maart
Ruan onthul dat Tanne sy dubbele agent is. Erica verloor haar koel. Kirby bied aan om die bistro alleen te bestuur. Fabian gee vir Gloria ’n spesiale stel oorbelle.
Woensdag, 12 Maart
Erica vind uit dat Ragel vir Kirby aangestel het. Tanne is senuweeagtig oor die groot dag. Die Cloetes, Ronnie, Hazel en die kinders maak gereed om van Gemoedsdrif af te vertrek.
Donderdag, 13 Maart
Ruan is gereed om toe te slaan. Tanne twyfel oor die plan. Gloria neem ’n emosionele besluit wat alles kan beduiwel. Warren kom al nader aan die waarheid.
Maandag, 17 Maart
Daar is chaos op Everlasting wanneer planne skeefloop. JP is woedend, terwyl Kevin vasbeslote is om by die plaas uit te kom. Gloria verdwyn van Everlasting.
Dinsdag, 18 Maart
Gloria gee vir Kevin baie goeie nuus oor Beeno. Ruan word oornag die hele Gemoedsdrif se held. Kirby probeer vir Erica oorwen.
Woensdag, 19 Maart
Erica is hartgebroke wanneer die Cloetes aankondig dat hulle gaan uittrek. Warren sien Ruan uit Gloria se huis stap. Christine probeer Hazel antagoniseer.
Donderdag, 20 Maart
Kevin en Gloria hoop dat hulle uiteindelik vry is van Beeno. Kirby maak ’n groot indruk op Erica. Manny is gereed vir die volgende stap saam met Tillie.
Maandag, 24 Maart
Die Cloetes maak gereed om te trek. Warren is op soek na Fabian se bloed, en dit maak Gloria rasend van bekommernis. Die Louws hou al hoe meer van Kirby.
Dinsdag, 25 Maart
Kirby ondersteun Louis wanneer hy sê hy wil nie bier drink nie. Dirk waarsku Manny om weg te bly van sy ma af. Gloria vertel Kevin van haar nagmerrie.
Woensdag, 26 Maart
Die hele dorp is in rep en roer om totsiens aan die Cloetes te sê. Gloria ontvang aaklige nuus. Die danskonsert word deur ’n onverwagte gas onderbreek.
Donderdag, 27 Maart
’n Onverwagte gas daag by Gloria se huis op. Brandon is verpletterd ná die skokkende voorval. Tillie en Dirk probeer vrede maak, maar kan nie saamstem nie.
Maandag, 31 Maart
Amber, Louis en Junior hou ’n spesiale seremonie vir Shakiel. Brandon haal al sy woede op Ruan uit. Manny praat met Patty en Erica oor Dirk.
Skemergrond saai weeksdae uit om 19:30 op kykNET&kie (DStv-kanaal 145) en DStv Stream. Dit is ook ná uitsending op DStv Catch Up beskikbaar.
