Sex Education skroom nie om met aanvaarding stories oor byvoorbeeld gay verhoudings, non-binary en queer karakters, seksuele plesier, seksuele aanranding, en soeke na identiteit van welke aard te vertel nie.
Dit draai meerendeels om ’n groep tienervriende en -frenemies wat midde hul seksuele ontwaking verkeer. Dis ’n helse ontdekkingsreis – ewe veel vir die kyker as vir die karakters wat probeer om hul tienerbestaan te oorleef. Die humor is ingebou in die skerp dialoog met net genoeg van ’n bar ondertoon om dit relevant en real te hou.
Maar die vierde seisoen van dié reeks is ook sy laaste. Snik! Nie net het die reeks ons ’n Gillian Anderson soos nooit van te vore gegee nie – die jong akteur Asa Butterfield het ook op onverwagte maniere hier verbaas en geblom.
Die nuwe seisoen tel op met geliewe Maeve (Emma Mackey) in Amerika en die ou hoërskool finaal gesluit ná die etlike (etlike!) skandale van die vorige seisoene. Otis (Butterfield) en sy vriende moet nou hul voete in ’n nuwe skool vind… Maar hier ontdek hy dat hy nie die enigste amateur sex therapist op kampus is nie. Eintlik ervaar al die voormalige Moordale-leerders, insluitend Otis se bestie, Eric (die ongelooflike Ncuti Gatwa), kultuurskok as hulle by die nuwe skool aanland. Dinge is omtrent anders. Van jogaklasse tot ’n groep gewilde leerders wat cool is omdat hulle nice is. (Who knew?!).
Al vier seisoene van Sex Education is nou op Netflix beskikbaar.
Ook op Netflix
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
