Menu terloops
In How-tos [13 Sep 2021]

Hoe kyk ek Netflix op DStv?


Die nuwe DStv Explora Ultra maak dit makliker as ooit om Netflix op jou TV te kry, of jy ‘n Netflix-intekenaar is of nie. Die Ultra is die eerste in Suid-Afrika wat DStv-intekenare toelaat om in te teken op Netflix, asook ander platforms soos Showmax.

Hoe kyk ek Netflix op DStv?

Die nuwe DStv Explora Ultra maak dit makliker as ooit om Netflix op jou TV te kry, of jy ‘n Netflix-intekenaar is of nie. Die Ultra is die eerste in Suid-Afrika wat DStv-intekenare toelaat om in te teken op Netflix, asook ander platforms soos Showmax.

Watter kanaal is Netflix op DStv?

Netflix is ’n app wat jy in die apps-kategorie op die DStv Explora Ultra sal kry. Dit is nie ‘n kanaal op DStv nie aangesien Netflix ’n maatskappy op sy eie is met sy eie katalogus van programme en flieks.

Die ooreenkoms tussen DStv en Netflix laat toe dat DStv-intekenare toegang tot al die programme en flieks op Netflix direk van hul dekodeerder kan kry.

Hoe teken ek in op my Netflix-rekening op my Explora Ultra-dekodeerder?

Indien jy ’n bestaande Netflix-intekenaar met ‘n Explora Ultra is, is die proses baie maklik. Al wat jy doen, is om die APPS-knoppie op jou Explora-afstandbeheerder te druk en dan op Netflix aan te meld. Dieselfde proses geld vir Showmax.

Hoe teken ek in op Netflix op my Explora Ultra-dekodeerder?

Dit is ook baie maklik om te doen. Druk die APPS-knoppie op jou afstandbeheerder, gaan na Netflix en kies “sign up”. Sodra jy dit gedoen het, sal jou Netflix-rekening outomaties by jou DStv-rekening gevoeg word en hoef jy net een betaling te maak. Die bestaande manier van betaling wat jy vir DStv gebruik, sal ook vir Netflix gebruik word.

Hoe voeg ek my Netflix-rekening by my DStv-rekening?

Indien jy reeds ‘n Netflix-intekenaar is voordat jy op jou DStv Explora Ultra inteken, kan jou twee rekeninge nie bymekaar gevoeg word nie – Netflix sal steeds vir jou ‘n rekening stuur en die fondse verhaal soos toe jy by Netflix aangesluit het. Die enigste manier om jou Netflix-rekening by jou DStv-rekening te voeg, is om as ‘n nuwe Netflix-kliënt te registreer deur die Explora Ultra.

Indien jy ’n Netflix-rekening het wat verval het, kan jy wel dit op die Explora Ultra heraktiveer deur “join now” op die APPS-spyskaart op die afstandbeheerder te druk. Gebruik jou bestaande aanmeld-details en jou rekening sal weer geaktiveer word en die die rekening sal outomaties by jou DStv-rekening gevoeg word.

Indien ek op Netflix op my Explora Ultra inteken, sal ek Netflix net op my TV kan kyk?

Nee, wanneer jy inteken op Netflix op die Explora Utra, kry jy toegang tot Netflix net soos wat jy sou kry indien jy op hulle webblad ingeteken het. Jy kan dus Netflix op jou foon, tablet, TV, of rekenaar kyk.

Hoeveel kos dit om Netflix op DStv te kyk?

Dit kos dieselfde as wat dit sou kos as jy op Netflix sou inteken op hulle webblad. Die prys van Netflix sal by jou DStv-rekening gevoeg word. Daar is geen ekstra kostes verbonde nie.

Het ek toegang tot die internet nodig om Netflix op DStv te kyk?

Ja. Netflix is ’n streaming platform wat beteken dat jy die internet nodig het. Die Explora Ultra het ingeboude wi-fi wat dit maklik maak om dit aan jou internet te koppel.

Die ideaal is natuurlik ’n uncapped konneksie met spoed-aanbevelings as volg: Die aanbevole spoed van die konneksie vir stroming is as volg:

  • ’n minimum van 2Mbps om SD af te laai;
  • ’n minimum van 4Mbps vir SD stroming;
  • ’n minimum van van 10Mbps vir HD stroming (plus ‘n konneksie tot ’n hoë-definisie TV);
  • vir 4K stroming, wat Netflix aanbied, stel ons voor dat jy na Netflix se webblad gaan vir riglyne.

Jy kan ook programme en flieks van Showmax, sowel as Catch Up op DStv, met jou Explora Ultra-dekodeerder kyk.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk op DStv in Mei 2022

Wat om te kyk op DStv vandeesmaand: Die treffende 'Hightown' keer terug met ’n tweede seisoen terwyl die topverkoperboek 'The Time Traveler's Wife' uiteindelik in ’n TV-reeks omskep is.

Meer

Wat om te kyk op Netflix in Mei 2022

Wat om te kyk op Netflix vandeesmaand: Dié stroomdiens se eerste oorspronklike Nigeriese fiksiereeks, 'Blood Sisters', ’n nuwe Suid-Afrikaanse rillerreeks, 'Savage Beauty', en ’n fiktiewe vertelling van die man wat die term Stockholm-sindroom geïnspireer het.

Meer

Wat om te kyk op Showmax in Mei 2022

Wat om te kyk op Showmax vandeesmaand: 'Troukoors' loop weer hoog, 'The North Water' maak sy debuut, en die skreeusnaakse 'The Righteous Gemstones' keer terug.

Meer

‘Anatomy of a Scandal’: Dié kragtoer se houvas kan jy nie sommer afskud

'Anatomy of a Scandal' se ystergreep laat ses episodes na veels te min voel.

Meer
Sien alle opsies