Wat om te kyk vandeesmaand – hier is my redakteurskeuse vir Julie.
Neem asseblief kennis dat datums en titels moontlik kan verander.
Barry
As Rotten Tomatoes se beste reeks van 2022 (tot dusver…), keer Barry se derde seisoen na Showmax met ’n punt van 100% op dié resensiewebwerf terug. Variety bestempel dit as “’n meesterstuk…snaakser en skerper as ooit” en meen die hoofkarakter is een van die boeiendste protagoniste tans op TV. Met die komedie-genie Bill Hader in die skoene van Barry, ’n huurmoordenaar wat ’n onverwagte en onwaarskynlike liefde vir toneelspel ontdek, is dit maklik om saam te stem.
Die reeks is ’n mengelmoes van alles wat ons mens maak. Ook ons onvervulde lewensdrome, soos as Barry sy ware passie in die ontdek, maar sukkel om die bloed van sy hande te was en sy ou lewe agterweë te laat. Die eerste twee seisoene het ses Emmy-toekennings ontvang, waaronder vir beste akteur in ’n komediereeks vir Hader, wat ook die een van die reeks se skeppers is.
Ook in die rolverdeling is die veteraan-akteur Henry Winckler, veral bekend vir sy rolle in Happy Days en Arrested Development.
“Die beste program op TV,” soos The Daily Beast daarna verwys, is reeds vir ’n vierde seisoen hernu.
Kyk nou op Showmax.
The Sex Lives of College Girls
Mindy Kaling weet hoe om ’n storie met opregte humor en ’n net die regte hoeveelheid self-deprecation te vertel. Kaling, wat as ’n skrywer en akteur in die Amerikaanse weergawe van The Office haar voet in die baie mededingende TV-komediewêreld se deur gekry het, is tans on a roll met haar mees onlangse TV-skeppings, Never Have I Ever (op Netflix) en nou The Sex Lives of College Girls op HBO (plaaslik op Showmax).
Kaling, wat ook die komediereeks The Mindy Project geskep het, is, by verre, een van die beste TV-skrywers van ons tyd. (Jy kan stry, maar ek sal jou afraai.) Dis nie net pittige (en o, dis uiters pittig) one-liners wat jou laat skater nie – dis die inweef van onse harde, wrede, belaglike, soms absurd, soms ongelooflike alledaagse wees wat die grappe verhef. So ook met The Sex Lives of College Girls wat vier eerstejaarstudente se ervarings met vermaaklike deernis weergee. Of dit nou akademiese en finansiële druk is, eerste liefde, seks-positiwiteit, seksuele teistering, die soeke na self… Áls so eg en relevant en tematies ernstig – and it lands because it’s so damn funny.
In iemand anders se hande sou dié reeks clichè kon wees, selfs ’n bietjie cringe. Kaling se karakters en hul stories is egter allesbehalwe. Geen wonder dit het ’n punt van 97% op die resensiewebwerf Rotten Tomatoes en is reeds vir ’n tweede seisoen hernu.
Kyk nou op Showmax.
Uncoupled
As jou hart al ’n goeie knou of vyf weg het wat jou liefdeslewe betref, sal die relatability van Uncoupled se premis soos ’n spieël vir jou eie rou en melancholie wees. Die storie draai om ’n man, Michael (Neil Patrick Harris), wie se partner, sonder veel fanfare, hul 17 jaar lange verhouding verbreek. Letterlik oornag verloor hy die man wat hy as sy sielsgenoot gesien en liefgehad het. En skielik is hy ook vir die eerste keer in jare enkellopend. Die reeks is deur die uiters suksesvolle Darren Star, wat ook Emily in Paris vir Netflix vervaardig. Star is dalk meer bekend as die skepper van Beverly Hills, 90210, Melrose Place, Sex and the City en Younger.
Dis darem nie ’n smartsaga nie – ’n deel van die reeks se lokkrag is juis dat Michael se hartseer met ’n goeie skoot humor vertel word. As sulks is dié storie eerder ’n rom-com, soos Michael opnuut na connection en liefde soek en dating in sy 40s op die proef stel.
Vanaf 29 Julie op Netflix.
Justice Served
Justice Served, ’n aksie-drama wat oor die loop van ses episodes in ’n Suid-Afrikaanse hof afspeel, is die nuutste in ’n rits plaaslike Netflix-produksies. In die hoofrol is The River se Hlomla Dandala as ’n vryheidsvegter, Azania Maqoma, wat die reg in eie hande neem as hy ’n moordbeskuldigde se verhoor in ’n gyselaarsdrama omskep. Justice Served speel af in vandag se Suid-Afrika, en werp lig op die ysingwekkende gebrekke in ons plaaslike regsstelsel. Dis dan juis dié ongeregtighede – onderdrukking, rasisme, misdaad, korrupsie, faux gelykheid – wat Azania as ’n selfaangestelde arbiter vir ware geregtigheid wil blootlê. Dis as hy besluit om die moordbeskuldigde se lot in die hande van die publiek te plaas, dat anargie dreig.
Die rolverdeling sluit ook Motshabi Tyelele, Jack Devnarain, Lerato Mvelase en Pallance Dladla in.
Vanaf 29 Julie op Netflix.
Ook op my moet-kyk-lys:
The Real Housewives of Cape Town
Kaapstad is klein. Konflik tussen dié queens maak dit nog kleiner. En meer awkward. Dus, perfekte TV-kykstof.
Kyk vanaf 10 Julie om 19:00 op Mzansi Magic (DStv-kanaal 161) op DStv Online.
Die Laaste Tyd Met Aleit
Nadat Aleit Swanepoel in Mei vanjaar oorlede is, is daar besluit om tog die laaste seisoen van sy TV- reeks, Tyd Met Aleit, uit te saai. Die verfilming van die seisoen is slegs ’n week voor sy afsterwe voltooi. Luidens ’n persverklaring is die besluit met die toestemming van sy naastes geneem.
“Ek glo dit is belangrik om klaar te maak waarmee ons begin het – Aleit sou niks minder van ons verwag nie. Die Laaste Tyd met Aleit is ’n geleentheid vir Aleit om vir 13 weke in mense se sitkamers voort te leef,” aldus Jorrie van der Walt, die reeks se vervaardiger.
Vanaf Saterdag, 2 Julie om 18:00 op kykNET (DStv-kanaal 144) en DStv Online (weeklikse episodes).
Survivor South Africa S9: Return of the Outcasts
Kyk op DStv Online vanaf 18 Julie (weeklikse episodes).
No Time to Die
Daniel Craig as James Bond. Enough said.
Kyk nou op Showmax.
Wat om nog te kyk in Julie
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
