Die jonge koningin Charlotte se huwelik met koning George van Engeland ontketen ’n epiese liefdesverhaal wat uiteindelik reuse-verandering meebring in die nuwe Netflix-reeks, Queen Charlotte: A Bridgerton Story.
Queen Charlotte dien as ’n prequel vir die gebeure in die gewilde periode-dramareeks, Bridgerton. Dit werp dus lig op die menswees en geskiedenis van die Charlotte wat ons in Bridgerton leer ken het.
Terwyl die aktrise Golda Rosheuvel die rol van Charlotte in Bridgerton vertolk, speel India Amarteifio die jonger weergawe van dié koninklike. Corey Mylchreest is in die rol van die jong George.
Ek het ’n gevoel dié reeks se ses episodes gaan ons net vir meer laat vra… Bridgerton is immers nie stroperige nonsens-televisie nie, maar dit het wel dieselfde tipe stickiness wat maak dat “net nog een episode” op ’n deurnag binge-sessie uitloop. Lees meer oor Bridgerton hier.
Queen Charlotte: A Bridgerton Story is vanaf Donderdag, 4 Mei 2023, op Netflix beskikbaar om te stroom.
Nog periode-dramas
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
