Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, My naam is Farah, wat na Afrikaans oorgeklank is, kan uitsien.
My naam is Farah vervang die gewilde telenovela, Moederhart, wat onlangs ten einde geloop het.
Maandag, 14 Oktober
Farah en ander vroue ry deur ’n grenspos Türkiye toe. Sy gaan werk ’n nagskof in een van die vroue se plek, terwyl Gönül na Kerim kyk. Sy sien ’n moord plaasvind en smeek om haar lewe.
Dinsdag, 15 Oktober
Farah is in ’n toestand ná die vorige aand se gebeure, maar sy moet dit wegsteek. Die dokter het baie goeie nuus oor Kerim, maar die vreugde word gedemp deur ’n ongenooide besoeker.
Woensdag, 16 Oktober
Gonul is gebroke oor die dood van haar vriend Alp. Alp se ma beskuldig Mehmet dat hy nie ’n oog oor Alp gehou het nie. Mehmet is woedend as hy sien Tahir verlaat die polisiekantoor.
Donderdag, 17 Oktober
Memhet sukkel om sy frustrasies in toom te hou met die vordering in die saak. Hulle besef die moordtoneel is goed skoongemaak. Farah raak aan die slaap op die bus met rampspoedige gevolge.
Maandag, 21 Oktober
Tahir leer vir Kerim hoe om sokker te speel. Ali Galip besluit om lewenslank vir Kerim te sorg omdat Farah sy lewe gered het.
Dinsdag, 22 Oktober
Kaan ruk hand-uit by ’n nagklub nadat sy gewete hom opkeil. Mehmet waarsku Farah dat sy gesin nie in haar probleme ingesleep moet word nie.
Woensdag, 23 Oktober
Farah verwag die ergste wanneer Tahir haar na ’n onbekende plek toe vat. Farah help Tahir se eks nadat sy probeer om haar eie lewe te neem.
Donderdag, 24 Oktober
Farah pleit by Tahir om haar lewe te spaar en belowe selfs om saam met hom ’n kriminele lewe te lei. Tahir spaar haar lewe… vir nou.
Maandag, 28 Oktober
Kaan gee vir Gonul ʼn hoop geld om vir die familie te gee. Mehmet neem ’n vrou in hegtenis.
Dinsdag, 29 Oktober
Kerim kom huis toe. Daar wag ’n groot verrassing vir hom. Mehmet twyfel nog steeds aan Farah se eerlikheid.
Woensdag, 30 Oktober
Tahir kry vir Farah by Ali Galip met rampspoedige gevolge. Mehmet kuier by Kerimsah en kry meer inligting as wat hy voor gehoop het.
Donderdag, 31 Oktober
Bekir breek by Farah se woonstel in om Tahir te kom haal. Tahir bereik ’n ooreenkoms met Ali Galiep, maar dit kom nie sonder probleme nie.
My naam is Farah word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
