Menu terloops

Mrs. Davis S1

Op Showmax [Gepubliseer op 5 Jun 2023]


‘Mrs. Davis’ is ’n “bandeloos vindingryke en duiselingswekkende genotvolle aksie-avontuur,” skryf ‘The Age’ in hul resensie oor dié reeks.

Kyk nou

Mrs. Davis S1
Kyk lokprent

Wie sal – of kan – kunsmatige intelligensie teenstaan? Wel, in Mrs. Davis is Simone (vertolk deur Gaslit se Betty Gilpin) ’n non wat vasbeslote is om ene Mrs Davis – die wêreld se voorste AI – te vernietig. 

Ook in die rolverdeling is David Arquette van Scream-faam, die meermalige Emmy-wenner Margo Martindale (Justified, The Americans) en Elizabeth Marvel (Love & Death, Homeland, House of Cards).

Dié komediedrama het ’n punt van 91% op Rotten Tomatoes. Daar lui die kritici se konsensus dat dié reeks “positively bonkers” is met Gilpin as ’n moderne held in ’n “verbeeldingsryke mengsel van spiritualiteit en tegnologie”. 

Die reeks is geskep deur Tara Hernandez en die bekroonde Damon Lindelof. Lindelof is bekend vir reekse soos Lost en The Leftovers wat dikwels genres vermeng, en elemente van wetenskapfiksie en geloof insluit. Dít is dan ook die geval met Mrs. Davis, met Simone se geloof wat as rigtingwyser in haar “oorlog” teen tegnologie dien.


Die eerste twee episodes is vanaf Maandag, 5 Junie 2023, op Showmax beskikbaar. Daarna sal episodes weekliks op Maandae beskikbaar wees, met die finale se dubbelepisode op 10 Julie. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies