Menu terloops
In Gons [15 Aug 2023]

Kyk nou: Eerste lokprent vir ‘Outlaws’, Showmax se nuwe Wilde Weste-reeks


Liefde, wraak, wetteloosheid, geweld… Dís maar net van die elemente wat ’n mens waarneem in die eerste lokprent vir Showmax se nuutste plaaslike reeks, ‘Outlaws’.

Kyk vanaf 6 September

Kyk nou: Eerste lokprent vir ‘Outlaws’, Showmax se nuwe Wilde Weste-reeks
Kyk lokprent

Outlaws, ’n nuwe Showmax Original-reeks, bevat al die elemente vir ’n boeiende storie wat in die skouspelagtige Lesotho en KwaZulu-Natal afspeel: liefde, wraak, wetteloosheid, familietwis, wedywering en – natuurlik – moord.

Die plot

Iewers op die grens tussen Lesotho en KwaZulu-Natal is daar ’n gebied waar wetteloosheid hoogty vier. Aan die een kant is daar die Biyela-clan wat met vee boer; en dan is daar die Tseoles, veediewe van formaat.

Dis asof die Wilde Weste en die hel alles op een slag hiér losbars. Daar bestaan nie reg en geregtigheid nie, eerder net geweld wat beheer en regeer. Meng dit met kulturele verskille en die situasie ontaard in ’n kruitvat tot boordens toe vol van woede en wraak.

Nuwe gesigte en ou bekendes

’n Paar nuwe gesigte maak hul verskyning in Outlaws, waaronder Lehlohonolo Mayeza en Nirvana Nokwe-Mseleku wat onderskeidelik die rolle van Leruo Tseole en Sihle Biyela vertolk.

Siyabonga Shibe (Shaka iLembe, The Wife, Gaz’lam) wat reeds twee SAFTA-benoemings ontvang het, is die Biyela-patriarg, terwyl Mmabatho Mogomotsi (Yizo Yizo) die Tseole-matriarg is.

SAFTA-wenner Nolwazi Shange (The River, Mzali Wami), Men’s Health-voorbladwenner Mnqobi Kunene (How To Manifest a Man) en Thembinkosi Mthembu (Adulting, Shaka iLembe, The River) is ook deel van die rolverdeling.  

’n Eerste

Outlaws is Suid-Afrika se eerste kontemporêre Western-reeks. Dis geskep deur Phathu Makwarela en Gwydion Beynon van Tshedza Pictures wat reeds vyf SAFTA-toekennings as draaiboekskrywers gewen het (The Republic en The River). The River, op Showmax, is boonop ook vir ’n internasionale Emmy benoem.

Outlaws is Tshedza se tweede Showmax Original na die suksesvolle Adulting, wat in Maart vanjaar rekordgetalle behaal het met die meeste kykers van enige drama op Showmax op die eerste dag van vrystelling. 

Die bekroonde Tebogo ‘Tebza’ Malope was die regisseur van die eerste twee episodes. Hy het onlangs by die Tribeca-filmfees die gehoortoekenning vir Rise: The Siya Kolisi Story (ook op Showmax beskikbaar) gewen.


Outlaws begin met weeklikse episodes vanaf Woensdag, 6 September 2023 op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies