Die eerste lokprent vir Netflix se nuutste plaaslike reeks, Fatal Seduction, skets ’n prentjie van donker intrige, maar onder ’n versadigde laag passie tussen die twee hoofkarakters, lê ’n haas ondeurdringbare web van leuens en misleiding.
Dié verhaal ontvou as Nandi, vertolk deur Kgomotso Christopher (Isidingo, Scandal en Legacy), op ’n naweekwegbreek sonder haar man, Leonard (Thapelo Mokoena van onder meer Showmax se Pulse, Dominee Tienie en Trackers), gaan. Dis dan wat sy die begeerlike Jacob, vertolk deur die nuweling Prince Grootboom (Jiva!), ontmoet.
Nandi kan Jacob nie weerstaan nie, maar vir Jacob is dié sekskapades a means to an end. Jacob is immers op ’n wraaktog…. Hy soek die waarheid oor wat agter sy familie se swaar lot lê en Nandi en Leonard blyk antwoorde te hê.
Die reeks is in en om Kaapstad verfilm. Dit sal vanaf Vrydag, 7 Julie 2023, op Netflix beskikbaar wees om te stroom.
Ook in die rolverdeling tel onder andere Nat Ramabulana (Isidingo, Muvhango) en Lunathi Mampofu (The River, Kings of Jo’Burg).
Wat om te kyk
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
