Showmax Original se oorlewings-rillerreeks, Pulse, dompel ons in ’n donker, versteurde wêreld nadat ’n elektromagnetiese polsbom die elektriese toestelle en bedrading in ’n ou kantoorblok verskroei.
Maar die gevolge van die polsbom strek verder – ’n groep videospeletjieskeppers is in die gebou as die polsbom tref. Hulle word in ’n stryd tussen lewe en dood binne die einste speletjie wat hulle geskep het, vasgevang. Dis omtrent ’n trip en jy kan dit nou op Showmax kyk.
Pulse se regie is deur die veelbekroonde Sallas de Jager (Dominee Tienie). Die Emmy-wenner Steve Lanning, is die reeks se vervaardiger. Die draaiboek is deur Stephen Clarke behartig.
Die karakters is boeiend en word deur ’n briljante rolverdeling vertolk. Sam Wright het onderhoude met van die hoofspelers van die rolverdeling gedoen en ons het als in dié artikel saamgetrek.
1
Tarryn Wyngaard as Jasmine “Jaz” Williams
‘Pulse’ wakker oorlewingsdrang aan, sê Tarryn Wyngaard oor Showmax-reeks se lokkrag
Tarryn Wyngaard, die SAFTA-bekroonde ster van Noem My Skollie, vertel oor haar hoofrol in die Showmax Original-rillerreeks, Pulse, nou op Showmax.
2
Thapelo Mokoena as Errol
Thapelo Mokoena is ’n SAFTA-bekroonde akteur en vervaardiger, veral bekend vir sy rolle in Wild at Heart, Bulletproof S3 en Trackers. Hy is in Ladysmith, KZN, gebore en is ook ’n wynprodusent en -restauranteur.
Errol is van kleins af ’n game freak, en hy is ‘n natuurlike psigopaat. Hy weet hoe om die wêreld vir hom te laat werk, en hy mors nie tyd of energie op enigiets (of enigiemand) as dit hom nie gaan baat nie.
3
Carel Nel as Eddie Coetzee
Carel Nel oor ‘Pulse’: Vreemde, andersoortige karakters is sy jol
Die akteur Carel Nel, dubbele Silwerskermfees-wenner en ster van Rage en Gaia, gesels oor sy grillerige nuwe rol in die Showmax Original-reeks, Pulse.
4
Sven Rugyrok as Dominic
Dominic se pa, ’n polisiebeampte, is dood toe hy jonk was, en Dom het nooit ’n goeie woord oor hom van sy ma gehoor nie. Hy is die gebou se opsigter, en sy praktiese kennis van die gebou se struktuur maak hom die obvious keuse om die groep in hul oorlewingstryd te lei. Maar daar is meer aan Dom as wat ons op die oog af sien.
Sven Rugyrok is veral bekend in Suid-Afrika omdat hy Rambo in die Spud-franchise gespeel het, asook teenoor Orlando Bloom in Zulu. Hy is ook ’n gimnas wat vir die bekende Cirque du Soleil gekies is terwyl hy nog op hoërskool was.
5
Earl Wan as Caspar Lee
Caspar het ’n donker geheim uit sy verlede wat aan sy siel vreet. Hy en Jaz is beste vriende, en hulle deel selfs dieselfde geneigdheid om slegte keuses te maak as dit by sake van die hart kom. Hy is besonder slim en is ’n briljante videospeletjie-ontwerper. Hy moet sy verlede trotseer as die polsbom die mure in sy geheue afbreek.
Earl Wan is ’n Britse akteur en skrywer wat al in die alombekende Coronation Street gespeel het. Hy het ook rolle in Just Mates en Supercapitalist gehad.
6
Albert Pretorius as Denny
Albert Pretorius oor ‘Pulse’: ‘Gruwel gaan oor menslike stories’
Die bekroonde akteur Albert Pretorius vertolk ene Denny in Pulse, Showmax se nuutste oorspronklike reeks.
Sien ook vir Albert op Showmax in:
