Menu terloops
In Gons [28 Nov 2023]

‘Kind’: Nuwe feestydfliek ‘sal harte warm maak’


Die akteur en regisseur Gustav Gerdener beskryf sy nuwe Kersfeesfliek, ‘Kind’, as ’n verhaal oor die herontdekking van liefde wat aan die hele gesin se hartsnare sal trek.

‘Kind’: Nuwe feestydfliek ‘sal harte warm maak’

Die veteraanakteurs Rika Sennett en André Stoltz is te sien as Lenie en Marius in kykNET se nuwe Kersfeesfliek, Kind.

Lenie en Marius, ’n ou getroude paartjie, se enigste seun en sy gesin gaan weg met vakansie en laat hulle op hul eie vir Kersfees. Hoe vier jy die feestyd as jy sonder kind of kraai sit? Jy neem die dorp op horings.

Ook deel van die rolverdeling is Hannes Brümmer, Zonika de Vries, Monica Muller en Andreas Jordaan. Die draaiboek is deur Tharine Pienaar geskryf, en die regisseur is Gustav Gerdener.

Kind, Andre Stolz
André Stoltz as Marius in Kind. Foto: Verskaf

“Dis ’n fliek wat beslis die hele gesin se harte warm sal maak,” sê Gustav. “Dis ’n verhaal oor die herontdekking van liefde en om weer sin in die lewe te vind; oor versoening wat jou laat besef waar jy in jou lewe is en dat jy die beste daarvan moet maak; oor die waardering van die klein dingetjies en die strewe om alles voluit te ervaar.”

Gustav het die draaiboek soos enige ander draaiboek benader.

“Jy moet getrou bly aan die storie, diep grawe en die ui laag vir laag skil en elke laaste bietjie sap uit hom kry. As regisseur moet jy besef die kamera is die oë van die kykers, en jy moet hulle lei na die boodskap in die hoop dat hulle nuwe insig in die lewe sal kry.”

Kind is in Johannesburg verfilm, en sluit wilde jaagtogte, danspassies in die natuur en laatnagsessies van putt-putt in.

Vir Gustav was dit ’n droom wat waar geword het om saam met sulke ervare akteurs te werk. “

Dit neem slegs ’n woord en hulle verstaan wat jy as regisseur wil hê. Ek het geweldige respek vir hoe hulle die soms moeilike verfilmingsomstandighede hanteer het. Dit was ’n fees! En saam met hierdie tegniese span sal ek oorlog toe gaan.”


Kind word 23 Desember om 20:00 op kykNET (DStv-kanaal 144) uitgesaai en sal ook op DStv Stream en Catch Up beskikbaar wees.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies