Menu terloops
In Features [18 Feb 2022]

‘Getroud met Rugby’ hang sepie-stewels op


Ná 14 jaar kom die gewilde kykNET-sepie, ‘Getroud met Rugby’, in September 2022 tot ’n einde.

Kyk nou

‘Getroud met Rugby’ hang sepie-stewels op
Kyk lokprent

Die gewone modus operandi vir die bekendmaking van dié soort nuus is ook hiér gevolg: ’n Vae verduideliking in ’n persverklaring oor hoe kykNET ná “deeglike oorweging en deeglike navorsing” besluit het om Getroud met Rugby te beëindig.  

Die huidige produksiekontrak is met ses maande – 55 episodes – verleng. Dit is glo om vir die Getroud met Rugby-span tyd te gee om nuwe professionele geleenthede te ondersoek en só ’n toekoms sonder die fiktiewe Stryders-rugbyspan te beplan. 

Dié gewilde sepie was aanvanklik ’n dramareeks wat deur Deon Opperman en Hanli Rolfes vervaardig is. Die eerste episode is op 7 April 2009 uitgesaai. Ná vyf seisoene is die reeks, wat draai om die hardnekkige Stryders-rugbyspan, in ’n sepie omskep. 

Oor die afgelope 14 jaar het akteurs soos Werner Coetser, Christel van den Bergh, Altus Theart en Ilse-Lee van Niekerk in die sepie verskyn. Hul en ander se karakters, sowel as boeiende storielyne, het kykers op ’n mallemeule van emosies geneem.

Die fiktiewe plaaslike kroeg, Potties, het ook ’n gewilde venue geword vir Afrikaanse musikante en optredes in die sepie.

 “Dit is met ‘n swaar hart dat ons en ons kykers die hardnekkige Stryders in September 2022 vaarwel toeroep. ’n Dinamiese televisielandskap noodsaak skeduleveranderings, maar hierdie veranderinge bring ook nuwe geleenthede en nuwe stories,” sê Waldimar Pelser, direkteur van kykNET-kanale, in die persverklaring.

“kykNET bedank Deon Opperman, Overberg Produksies en elke akteur en lid van die produksiespan wat bygedra het tot die merkwaardige sukses van hierdie werklik oorspronklike Suid-Afrikaanse reeks,” . 

Getroud Met Rugby was die afgelope 14 jaar ’n enorme deel van my lewe as skrywer en vervaardiger, aanvanklik met die vyf Getroud Met Rugby-dramareekse en daarna met die sepie. Ek is baie dankbaar teenoor kykNET wat alles moontlik gemaak het,” sê Opperman.

Die verfilming van die laaste seisoen sal in Julie 2022 begin. Die laaste episode word op 30 September 2022 op kykNET (DStv-kanaal 144) uitgesaai.

Kyk Getroud met Rugby op DStv en DStv aanlyn. Episodes is ook op Showmax beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk: ‘The Whale’, ‘No Hard Feelings’, ‘Lover, Stalker, Killer’ (ril!) en meer

Dié week se TV-gids sluit in een van die snaakste flieks van 2023, ’n ware misdaaddokkie wat jou twee keer gaan laat dink oor online dating en Brendan Fraser se Oscar-bekroonde vertolking in 'The Whale'. Lees verder vir ons keur van vandeesweek se beste keuses, aanlyn en op TV.

Meer

‘Op my eish!’ met Brendan Peyper: 9 goed wat jy ná episode 4 se wilde ompad moet weet

Ai, ná verlede week se warm soen, het ons gedink die sanger Brendan Peyper gaan vandeesweek groot moves maak. Helaas, dit was eerder sy ouma wat wat toe met "vars bloed" in die vroue se slaai kom krap het...

Meer

Redakteurskeuse vir Februarie 2024: Mode, manewales, en Messi

Wat om te kyk: ’n Besonderse dokkie oor die legendariese sokkerenigma, Lionel Messi; ’n reeks oor hoe moderne mode tydens die Tweede Wêreldoorlog gestalte gevind het; en die nuwe Showmax se propvol kykspyskaart wat ikoniese reekse soos ‘The Office’ en ‘Parks & Recreation’ insluit – hier is ons keur van TV-vermaak vir vandeesmaand se redakteurskeuse.

Meer

Wat om te kyk: Reeksmoordenaars, rugby en roerende drama

Wat om te kyk: 'Donkerbos' is uiteindelik ook beskikbaar vir DStv-kykers; skouspelagtige rugby én agter-die-skerms-drama in ’n Sesnasies-dokkie; M-Net se nuwe gesinsdrama, 'Summertide', première, en ’n epiese oorlogsdrama wag in Steven Spielberg se 'Masters of the Air'. Lees verder vir ons keur van vandeesweek se beste keuses, aanlyn en op TV.

Meer
Sien alle opsies