Die verhaal van Fatal Seduction ontvou as Nandi Mahlati, vertolk deur Kgomotso Christopher (Legacy), op ’n naweekwegbreek sonder haar man, Leonard, gaan.
Sy is besig om te treur oor haar onlangse miskraam, gepaardgaande met haar agterdog wat geprikkel is deur ’n verdagte teks op Leonard se foon… afkomstig van sy pragtige – en jong – assistent, Ameera Naidoo (Rizelle Januk).
Haar beste vriendin, Brenda (Lunathi Mampofu), vergesel haar op die wegbreeknaweek en moedig haar selfs aan om met ’n sexy ou op ’n Kaapse strand vriende te maak. Nandi ontmoet dan só die begeerlike Jacob, vertolk deur die nuweling Prince Grootboom (Jiva! en 1802: Love Defies Time). Sy kan Jacob eenvoudig nie weerstaan nie, maar vir Jacob is dié sekskapades a means to an end. Jacob is immers op ’n wraaktog… Hy soek die waarheid oor wat agter sy familie se swaar lot lê en Nandi en Leonard blyk antwoorde te hê.
Dan word iemand ná aan Nandi vermoor. En dit mag dalk verband hou met nog ’n ander moord . . .
Fatal Seduction is gegrond op die Netflix-reeks Dark Desire deur Nayura Aragón Herranz en Leticia López Margalli.
Die rol van Leonard word deur Thapelo Mokoena vertok (Showmax se Pulse, Dominee Tienie en Trackers).
Vanaf Vrydag, 7 Julie, op Netflix beskikbaar om te stroom.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
