Legacy word gesien as baanbrekerswerk in Suid-Afrika – ’n telenovela wat afspeel in die wêreld van beleggingsmiljardêrs. Maar dit is ook oor ’n familie wat in ’n oorlog met mekaar gewikkel is en elkeen se stryd om oor te neem as die hoof van Legacy Investments.
Die patriarg Sebastian Price is op die punt om af te tree en hy is gereed om die leisels oor te gee. Sy onverskrokke oudste dogter het haar oog op die pos as hoof en sy sal enigiets doen om dit reg te kry. Wie is bereid om die hoogste prys te betaal om die troon te bestyg?
Nuwe episodes van Legacy is van Maandag tot Donderdag op M-Net en stroom gelykertyd op DStv en is dan binne 24 uur op Showmax beskikbaar. Moenie hierdie skitterreeks met sy sterbelaaide rolverdeling misloop nie.
