Hier is ’n voorsmakie van wat jy hierdie maand in Diepe Waters kan verwag.
Maandag, 4 November
Anja en René kan net nie op dieselfde bladsy kom nie. Lucas raak gefrustreerd met sy vordering.
Dinsdag, 5 November
’n Belangrike gas kom loer in by Lettie’s. Die spanning tussen René en Anja bereik nuwe hoogtes. Sanet identifiseer ’n moontlike verdagte vir die moordsaak.
Woensdag, 6 November
Sal Kurt betyds ’n deurbraak maak? Die Smaakmaker verklaar watter restaurant in die dorp die beste is. Juvan draai Lucas se arm om ’n bietjie stoom af te blaas.
Donderdag, 7 November
René neem Zelda in haar vertroue oor haar rusie met Anja. Sanet is angstig om uit te vind wat Kurt uitgevind het.
Maandag, 11 November
Sanet ontvang groot nuus oor die hofsaak. Lucas is in die moeilikheid. Die kritikus kom terug kêffie toe.
Dinsdag, 12 November
Sanet berei vir haar hofsaak voor. Lettie ontvang ’n tweede resensie. René en Anja vind ’n middeweg.
Woensdag, 13 November
Sanet lewer getuienis, maar Laura hou nie terug nie. Sanet loop in Ben vas en is verbaas oor sy reaksie teenoor haar.
Donderdag, 14 November
Lettie getuig in die hof. René en Juvan vorm ’n onverwagte band. ’n Onvoorspelbare tragedie tref Tshepo.
Maandag, 18 November
Spanning neem toe namate die hofsaak ten einde loop. Kurt deel ’n skokkende onthulling met Jacques.
Dinsdag, 19 November
Sanet blameer haarself vir Ben se situasie. Juvan voel soos ’n mislukking. Theresa se vrese oor Wessel kom na vore.
Woensdag, 20 November
Sanet kry goeie raad by ’n ou kennis. Juvan vra vir Karla om verskoning. Die Swartse is met goeie rede bekommerd oor Theresa.
Donderdag, 21 November
Theresa is te bang om alleen te wees. Lucas maak vordering, en Sanet word deur ’n nuwe vrou by Nuwe Nes meegevoer.
Maandag, 25 November
René vind iets uit wat haar ontstel. Gys raak gefrustreerd met Theresa se situasie.. Anja en Rossouw besluit op ’n troudatum.
Dinsdag, 26 November
Theresa het ’n ontstellende sessie met haar sielkundige. René se voorstel gooi Lucas se wêreld omver.
Woensdag, 27 November
Juvan deel sy moeilike besluit met Karla. Gys se verrassing vir Zelda neem ’n onverwagse draai. Vriendskapbande versterk.
Donderdag, 28 November
Gys is onseker hoe om die misverstand aan Zelda te verduidelik. Dis die Swartmarlyne se gala en die swemmers is almal angstig. René loop in ’n ou kennis vas.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
