Menu terloops
In Gons [25 Oct 2024]

‘Boer soek ’n Vrou’: Reandi slaggereed met nuwe boere wat liefde soek


Die oes deelnemers vir die volgende seisoen van ‘Boer soek ’n vrou’ se ouderdomme wissel tussen 26 en 56 en sluit onder meer drie Vrystaters in wat na liefde soek. Dié reeks se nuwe aanbieder, Reandi Grey, stel die hubare boere Sondagaand bekend.

‘Boer soek ’n Vrou’: Reandi slaggereed met nuwe boere wat liefde soek

Die aftel na die volgende seisoen van een van Suid-Afrika se gewildste werklikheidsreekse skop Sondag, 27 Oktober om 20:00 af wanneer kykNET die tien boere vir die volgende seisoen van Boer soek ’n vrou bekendstel. 

Vanjaar se oes van deelnemers se ouderdomme wissel tussen 26 en 56, en die boere verteenwoordig ses provinsies met die Vrystaat wat die voortou met drie hubare boere neem. 

Reandi Grey, wat pas as die sewende aanbieder van Boer soek ’n vrou aangekondig is, het reeds met die nuwe boere kennis gemaak en sy is baie opgewonde om hulle bekend te stel. “Elke liewe een van hierdie boere is volronde mense met soveel emosie en soveel liefde,” sê sy. 

“Hierdie gaan ’n onvergeetlike seisoen wees en Suid-Afrikaners gaan aan hulle lippe hang.”

Die reeks sal van Augustus 2025 op kykNET uitgesaai word. Oudergewoonte sal dit fokus op die vyf boere wat die meeste briewe ontvang het. 

Diegene wat vir een van die top-tien boere ’n brief wil skryf moet ouer as 21 wees, en ongetroud, geskei of ’n weduwee/wewenaar wees.

Persone wat die boere beter wil leer ken, kan om 20:00 op kykNET (kanaal 144 op DStv en DStv Stream) inskakel. Die boere se profiele en meer inligting oor die reeks sal ook hier op terloops en die kykNET-webwerf gedeel word.

Voornemende pasmaats sal vir die boere briewe kan skryf, of hul belangstelling op die gewilde Afrikaanse maatsoek-app KOER kan wys. 

2025 se boere  is:

Nicolaas (37), skaap- en saaiboer van Bredasdorp, Wes-Kaap

Boer soek 'n vrou

Rudi H (56), boerbokboer van Windsorton, Noord-Kaap


Lourie (26), beesboer van Vryburg, Noordwes


Rudi (47), toerisme en wildboer van Beestekraal, Noordwes


Evert (38), makadamia-, sitrus- en wildboer van Tshipise, Limpopo


Willie (26), makadamia- en wildboer van Badplaas, Mpumalanga


Reinier (29), saai-, bees- en skaapboer van Frankfort, Vrystaat


Ruan (30), Skaap-, bees- en saaiboer van Tweespruit, Vrystaat


Christof (38), turksvy- en soutboer van Petrusburg, Vrystaat


Pieter (29), skaapboer van Richmond, Noord-Kaap


Lees al ons stories oor Boer soek ’n Vrou.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies