Menu terloops
In Lysie-lysie [26 Jan 2022]

Die top-10 TV-reekse en flieks op Showmax in 2021


Van ‘The Wife’ en ‘Raised by Wolves’ tot ‘Devilsdorp’ en ‘Trolls World Tour’ – hier is die top-reekse en flieks wat die meeste kykers in Suid-Afrika in 2021 gelok het.

Teken in op Showmax

Die top-10 TV-reekse en flieks op Showmax in 2021

Die top-reekse en -flieks, in alfabetiese volgorde, is:

1

After volg Tessa, ’n sogenaamde soetstroop meisie wat op ’n nie-so-soet seun, Hardin, verlief raak. Jy weet al hoe dinge gaan uitdraai…

Die fliek is gegrond op Anna Todd se trefferboek en volg op After We Collided, ook op Showmax.

2

DAM

Lea Vivier vertolk die hoofrol in regisseur Alex Yazbek se sielkundige riller, DAM.

Oor die duur van agt episodes volg ons Vivier as Yola Fischer, ’n jong vrou wat vanaf Chili na haar klein tuisdorp in die Oos-Kaap terugkeer om haar vervreemde pa te begrawe. Dis dan wanneer haar duistere verlede haar inhaal. Dis asof die plaashuis wat sy, tot haar suster se ontsteltenis, van haar pa erf, met haar probeer praat. Amper asof dit geheime met haar wil deel.

Soos die onderskeid tussen wat werklik is en wat nie begin verdof, moet Yola haar grootwordjare opnuut in oënskou neem.

3

Devilsdorp, Showmax se eerste oorspronklike ware misdaaddrama, is ’n angswekkende blik op die invloed – en gevaar – van charismatiese leiers.

Dit speel tussen 2008 en 2019 in Krugersdorp af en draai om ’n kultusleier, Cecilia Steyn, wat as ’n meester-manipuleerder haar volgelinge oortuig het om namens haar 11 mense te vermoor.

Christenskap en satanisme word teen mekaar afgespeel, en ons ontmoet die familielede wat ná hul geliefdes se moorde deur Steyn se kultusgroep, Electus per Deus (Uitverkies deur God), sukkel tot verhaal te kom.

4

Jamie Dornan en Dakota Johnson keer terug as Christian Grey en Anastasia Steele in die lokettreffer Fifty Shades Darker.

Dit is gegrond op E.L. James se gelyknamige topverkoper-boek en volg op Fifty Shades of Grey.

Volgens Cosmopolitan is “Fifty Shades Darker beter as Fifty Shades of Grey op elke denkbare manier”, terwyl Vanity Fair dit as “volslae genot” bestempel het, sowel as “die simpel, goedhartige asblik-meesterstuk wat ons nou verdien”. 

Oscar-wenners Marcia Gay Harden en Kim Basinger, Emmy-benoemde Hugh Dancy, en Bella Heathcote maak deel van die rolverdeling uit.

Fifty Shades of Grey, is ook op Showmax beskikbaar.

5

Raised by Wolves, wat in Suid-Afrika geskiet is, speel af ná die vernietiging van die aarde en draai om twee androïede wat mensekinders op ’n geheimsinnige planeet, Kepler-22b, moet grootmaak.

Dié HBO Max-trefferreeks is vir verskeie toekennings benoem en is deur Inverse bestempel as “Ridley Scott se beste wetenskapfiksie sedert Alien…daar is geen TV-reeks soos dit nie.” 

Seisoen 2 begin op 4 Februarie 2021 op Showmax met Kim Engelbrecht (Reyka) wat by die rolverdeling aansluit.

6

Temptation Island South Africa volg paartjies wat by ’n kruispad in hul verhoudings verkeer as hulle moet besluit of hulle gereed is om vir die res van hul lewens aan mekaar getrou te wees – of om mekaar vaarwel te roep.

Saam beleef die paartjies ’n luukse vakansie in die paradys (ook bekend as Knysna), waar hulle apart van mekaar, maar saam met 20 sexy enkellopende mans en vroue wat liefde soek, woon. Dié temptation is bedoel om hul moeilikste vrae oor hul verhouding te help beantwoord, soos: “Is ons bedoel om saam te wees?” en “Is daar iemand beter vir my?”.

7

Die eerste episode van The Real Housewives of Durban (RHOD) het ’n destydse kykrekord vir Showmax opgestel, maar dit later aan eers Uthando Lodumo en toe The Wife afgestaan.

Die drama het reeds in dié einste eerste episode begin met Nonku Williams se onthulling dat sy ’n kind saam met die gospellegende Sfiso Ncwane het. 

RHOD is die 24ste internasionale – en tweede Suid-Afrikaanse – aflewering van The Real Housewives-franchise.

Seisoen 2 is vanaf 28 Januarie 2022 op Showmax, met onder andere Londie London, Thobile MaKhumalo Mseleku en Jojo Robinson.

8

The Wife is Showmax se eerste oorspronklike telenovela.

Die reeks is gegrond op Dudu Busani-Dube se topverkoper-boek Hlomu the Wife. Dit vertel die verhaal van ’n joernalis (gespeel deur Skeem Saam se Mbalenhle Mavimbela) wat verlief raak op ’n taxibestuurder (Necktie Youth se Bonko Khoza), maar wat sy nie besef nie, is dat wanneer jy trou, trou jy met die persoon se geheime ook.

9

Anna Kendrick en Justin Timberlake keer terug as Queen Poppy en Branch in dié vervolgverhaal.

Dié keer moet hulle al die verskillende Troll-stamme verenig om te keer dat die boosaardige Queen Barb en King Thrash almal in zombies verander. 

Die Oscar-benoemde Kendrick (Love Life) het in 2021 ’n Kids’ Choice-toekenning vir gunstelingstem in ’n animasiefliek vir haar rol gewen. 

Kyk ook die eerste fliek in die reeks, Trolls, as die spin-off-reeks TrollsTopia, op Showmax kyk. 

10

Dié kort werklikheidsreeks (dit bestaan uit drie dele) volg Bongekile Simelane en Mandla Maphumulo, beter bekend as gqom-supersterre Babes Wodumo en Mampintsha, se dikwels wispelturige verhouding.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk op DStv in Mei 2022

Wat om te kyk op DStv vandeesmaand: Die treffende 'Hightown' keer terug met ’n tweede seisoen terwyl die topverkoperboek 'The Time Traveler's Wife' uiteindelik in ’n TV-reeks omskep is.

Meer

Wat om te kyk op Netflix in Mei 2022

Wat om te kyk op Netflix vandeesmaand: Dié stroomdiens se eerste oorspronklike Nigeriese fiksiereeks, 'Blood Sisters', ’n nuwe Suid-Afrikaanse rillerreeks, 'Savage Beauty', en ’n fiktiewe vertelling van die man wat die term Stockholm-sindroom geïnspireer het.

Meer

Wat om te kyk op Showmax in Mei 2022

Wat om te kyk op Showmax vandeesmaand: 'Troukoors' loop weer hoog, 'The North Water' maak sy debuut, en die skreeusnaakse 'The Righteous Gemstones' keer terug.

Meer

‘Anatomy of a Scandal’: Dié kragtoer se houvas kan jy nie sommer afskud

'Anatomy of a Scandal' se ystergreep laat ses episodes na veels te min voel.

Meer
Sien alle opsies