Die Real Housewives van die Wynlande is ’n splinternuwe Real Housewives-reeks wat volg op die eerste Afrikaanse weergawe van die franchise, Die Real Housewives van Pretoria. Onder die vroue tel skoonheidskoninginne, ’n dokter én ’n doktor en genoeg glans vir ’n leeftyd.
Weeklikse episodes word vanaf Donderdag, 20 April, om 20:00 op kykNET (DStv-kanaal 144) en DStv Online uitgesaai.
terloops se resensent het só oor die loodsepisode van Die Real Housewives van die Wynlande geskryf:
“In ’n episode wat hopeloos te kort gevoel het, word ’n dekadente wenresep se plofbare bestanddele vlugtig aan die garden variety kykNET’er voorgestel: ses formidabele vrouens bevind hulself in ‘n kruitvat waar prag en praal die botoon voer, en die clash of the Queen B’s duidelik die ondertoon beheer. Dit is elke kyker se reg om self te besluit wie is die bitches, bulldozers of bullshitters. Een ding is wel verseker: hier word baie vinnig naels gewys, en nie omdat dit pas ge-manicure is nie.”
Lees die volledige resensie hier en hou dop vir ons weeklikse recaps van ál die drama.
