Hierdie misdaadreeks is gegrond op die vierde boek in Robert Galbraith (Harry Potter-skrywer J.K. Rowling se skuilnaam) se Cormoran Strike-reeks wat draai om dié privaatspeurder, vertolk deur Tom Burke, en sy vennoot, Robin Ellacot, gespeel deur Holliday Grainger, se ondersoeke.
Dié misdade is dikwels sake wat die polisie sukkel om op te los, maar Strike, ’n oorlogsveteraan en oudspeurder aan die polisie se spesiale ondersoeke-afdeling, se talente strek ver en die skynbaar onmoontlike draf hy en Robin in ’n japtraf kaf.
C.B. Strike: Lethal White volg Strike se ondersoek na die moontlike rituele moord van ’n jong meisie jare gelede, nadat hy deur ’n man met ’n geestessteurnis genader word om die saak te bekyk.
Terselfdertyd gaan Robin undercover om die afpersing van ’n parlementslid te ondersoek.
