Die derde seisoen van die gewilde plaaslike en internasionale treffer, Blood & Water, is vanaf 25 November op Netflix beskikbaar om te stroom – en van wat ons uit die mini-lokprent vir die nuwe seisoen kan aflei, is steeds geen jagter so relentless soos die waarheid nie…
Blood & Water draai om die tiener Puleng Khumalo (Ama Qamata) en haar suster, Phume, wat kort ná haar geboorte uit die hospitaal ontvoer is. Dan ontmoet sy vir Fikile Bhele (Khosi Ngema), ’n sterswemmer aan ’n privaatskool in Kaapstad. Kort voor lank wonder sy of Fikile nie eintlik haar vermiste suster is nie.
In die tweede seisoen het Puleng se soeke na waarheid voortgeduur. Sy het ook vir Fikile aangemoedig om ondersoek na haar ware identiteit in te stel. Maar nie almal wou hê die waarheid moes uitkom nie… Daarmee saam het Puleng ook al die “gewone” sagas van tiener-wees deurgemaak.
Ná afloop van die senutergende finale episode van die tweede seisoen, tel die derde seisoen op met Fikile en Puleng wat stadig (baie stadig), maar seker al nader aan die waarheid kom. Gaan ons uitvind wie Fikile se biologiese pa is? Wie is die nuwe gesigte in hul midde en het hulle ook geraamtes wat hulle wegsteek?
Lees ook ons resensie van die tweede seisoen.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
