Menu terloops
In Sepies [30 Nov 2023]

‘Suidooster’ in Desember: Dié 5 storielyne gaan jou boei


Van ’n nuwe gesig in Ruiterbosch tot ’n huwelik op die rotse – hier is wat jy in Desember op ‘Suidooster’ kan verwag.

Stroom Suidooster aanlyn

‘Suidooster’ in Desember: Dié 5 storielyne gaan jou boei

Dié vyf storielyne gaan Suidooster se aanhangers op die punt van hul stoele voor die kassie hou:

1

Dinge lyk pikdonker vir Gary hoe sterker Nazeem se houvas op hom word. Nazeem plaas ook ongelooflike druk op Gary om miljoene rande by Bridgette te steel. Gary sukkel om met sy gewete saam te leef, maar dit lyk nie asof daar lig aan die einde van dié lang, donker tonnel is nie. Hy kan immers nie Nazeem se dreigemente ignoreer nie. Sy enigste uitkomkans is om Nazeem met ’n waaghalsige plan te probeer uitoorlê… Maar gaan die dice in plek val? 

2

Dit lyk ook of Lee-Ann en Tyron se huwelik op die rotse is ná haar affair met Alex. Sy is desperaat om haar huwelik te red en maak ’n skokkende voorstel aan Tyron. Dit is egter vet in die vuur – en dit lyk of die skrif aan die muur is vir die Daniels-egpaar. 

3

Kersfees in Ruiterbosch is nooit vervelig nie, maar ’n dief in dié rustige Kaapse woonbuurt bederf die feesseisoengees. 

4

Die KFM-oproeper Carl Wastie maak ook ’n verskyning, maar dit lyk of hy dalk vir Bridgette verkeerd gaan opvryf. 

5

Die Samsodiens verwelkom ’n familievriend in hul huis en die standvastige Laylla vang dadelik die oog van Nazeem. Gaan sy vir die grootste glyjakkals in Ruiterbosch se sjarme val? 


Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies