Agt jaar nadat Frans (Tim Theron) sy hart of Cybil (Donnalee Roberts) in die romantiese komedie Klein Karoo (nou op Showmax) verloor het, verbrokkel dié twee se liefdesverhaal en Frans beland vir ’n tweede maal alleen, en met ’n gebroke hart, voor die kansel.
Dis net die begin van die slegte nuus vir Frans – dié 38-jarige dokumentêre filmmaker vind boonop uit dat hy ’n breingewas het.
Maar dan ontmoet hy vir ene Chloë, ’n beeldskone boer (vertolk deur Boer soek ’n Vrou-aanbieder Marciel Hopkins), as hy haar langs die pad teëkom waar sy ’n plaasheining regmaak. Só vind hy uit van ’n rits veediefstalle wat die Karoo-boere se voortbestaan bedreig. Frans se hart is mos op sy mou, so hy begin werk aan ’n nuwe dokkie om dié boere te help.
Bongi (Sisanda Henna), Jackie (Leandie du Randt) en Tarryn (Nicole Fortuin), staan weer bont om die dokkie te laat realiseer.
Tussendeur spat die vonke tussen Frans en Chloë, maar dan is daar ’n spyker in die wiel – Frans raak ook aangetrokke tot Jackie soos hy meer tyd met haar spandeer en ’n hele ander sy van haar leer ken…’n Sy wat sy hart vinniger laat klop…
So, hoe nou gemaak, Frans?
