Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Moederhart
Maandag, 3 Junie
Asya probeer om Emre in ’n lokval te lei. Tugba val by die villa se trappe af en beweer dis Azime se skuld.
Dinsdag, 4 Junie
Asya word deur Kemal gedwing om Emre om verskoning te vra. Zeynep word amptelik by die polisiekantoor ingelig dat Ahmet dood is.
Woensdag, 5 Junie
Die polisie deursoek Muzaffer se villa. Nefise en Mert verlaat die villa ongemerk.
Donderdag, 6 Junie
Kaan probeer om in Cemre se goeie boekies te kom, maar Suat sien deur hom. Emre betaal Muzaffer die geld terug wat Nefise by hom geleen het.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai.
