Hier is ’n kort lys van verskillende maniere om Showmax se ingeboude databesparingsopsies te gebruik en so die hoeveelheid data wat jy gebruik, te beperk.
1
Gebruik Showmax-bandwydtebeperking
Showmax se bandwydte-beperkingsfunksie laat jou toe om te beheer hoeveel data gebruik word wanneer jy stroom. Jy kan jou gebruik tot so min as 40MB (op jou selfoon) beperk. Regstreekse uitsendings, soos die sokker, kan wel dataverbruik opstoot.
As jy in HD wil kyk, kies Best – dit gee jou die hoogste moontlike gehalte teen 1.2GB per uur. Maar as jy eerder data wil spaar, of as jy konneksie stadiger is, kan jy die gehalte tot so laag as 288p stel, wat slegs sowat 100MB/h gebruik.
- Gaan na Account Settings. Op mobiele toestelle kan jy dit vind onder jou profielikoon regs onder op die skerm, terwyl op die webwerf en op slim-TV’s, dié ikoon gewoonlik regs bo is.
- Kies die Data Settings-opsies.
- Gaan deur die opsies en kies een wat jou behoeftes die beste pas.
- Op jou mobiele toestelle kan jy ook reekse aflaai of slegs oor wifi stroom, wat ook help om data te bespaar.
2
Laai af op mobiele toestelle en kyk offline
Showmax gee jou die opsie om enige program of fliek op Wi-Fi af te laai en offline op slimfone of tablette te kyk met die Showmax-app vir Android en iOS. Geen data is dus nodig om te kyk nadat jy dit afgelaai het nie. Dit is besonders handig as jy iewers sonder internet gaan wees. Of, jy weet, as die krag wéér afgaan…
3
Verminder aflaai-kwaliteit om data (en spasie) te bespaar
As jy jou selfoondata moet gebruik om programme af te laai, of as die stoorspasie op jou toestel min raak, maak gebruik van die Showmax-gehaltestellings vir jou downloads.
Wanneer jy ’n titel kies om af te laai, sal jy uit verskillende kwaliteitstellings kan kies. Hoe laer die kwaliteit wat jy kies, hoe minder data sal jy gebruik en hoe minder spasie sal die lêer op jou toestel opneem.
Só kan jy die die data wat jy sal gebruik om ’n uur lange episode af te laai, van ongeveer 1GB tot 180MB verminder.
4
Gebruik gratis Wi-Fi hotspots
Die beste manier om data te spaar is om geen data te gebruik nie! Duh.
Stroom of download jou programme terwyl jy op jou middagete by die werk is, as jy in ’n koffiewinkel of by jou vriend se ouers se huis is. Enige plek waar jy nie vir die Wi-Fi hoef te betaal nie. (It’s our little secret!)
