BritBox, ’n Britse stroomdiens, is in Augustus 2021 vir die eerste keer in Suid-Afrika bekendgestel en was beskikbaar op die web, slim TV’s en mobiele apps.
BritBox is nou beskikbaar as ’n app op Explora Ultra- en Streama-toestelle vir DStv-intekenare. Alternatiewelik kan dit ook bygevoeg word as ’n bykomende betaling op intekenare se bestaande DStv-rekening.
Dit bied Britse vermaak uit die boonste rakke met produksies soos Vera, Hotel Portofino, Sanditon, Call the Midwife, Fawlty Towers, Grace, Blackadder en The Outlaws.
BritBox kos maandeliks R99,99 ná ’n aanvanklike gratis toetsperiode van sewe dae.
Met die toevoeging van BritBox bied DStv nou ses derdeparty-stroomdiensapps op Explora Ultra en Streama: Amazon Prime Video, Disney+, Netflix, YouTube en YouTube Kids, sowel as Showmax en die SuperSport app.
Voeg so BritBox by jou DStv
Gebruik WhatsApp (060 060 3788) om BritBox by jou DStv te voeg. Kliek hier, en volg die aanwysings. Jy sal ’n e-pos ontvang om jou BritBox-rekening te skep.
Wat jy moet weet
- Jy kan die BritBox app op jou DStv Explora Ultra- en/of DStv Streama-toestelle gebruik sonder om daarvoor deur jou DStv te betaal. Maak die app oop, teken aan met jou aansluit-details en begin stroom. Onthou: jy het ’n aktiewe DStv-intekening en toegangsfooi (Access Fee) nodig vir toegang tot enige van die aanlyn-produkte op die DStv Explora Ultra. Jy moet by DStv ingeteken wees om die DStv Streama te gebruik.
- Kliënte moet maandeliks vir DStv betaal en oor ’n aktiewe intekening beskik om BritBox by hul rekening te voeg.
- As jy reeds vir BritBox geregistreer het en dit gebruik, kan jy dit nie by jou DStv-rekening voeg nie. Slegs nuwe BritBox-intekeninge kan by jou DStv-rekening gevoeg word.
- Jy kan een BritBox-intekening aan jou DStv-rekening koppel. As jy meer as een aktiewe DStv-intekening het, sal BritBox outomaties aan jou grootste pakket gekoppel word.
- Kontak DStv se hulplyn as jy jou sewe dae gratis toetsperiode wil kanselleer. Jy sal bevestiging van DStv ontvang waarin jy ingelig word dat BritBox van jou rekening verwyder is.
- Indien jy BritBox by jou DStv-rekening gevoeg het, maar geen e-pos ontvang het met ’n skakel om vir BritBox te registreer nie, moet jy DStv se hulplyn kontak sodat hulle weer vir jou ’n skakel kan stuur. Onthou, as meer as 14 dae verloop het sedert jy aansoek vir BritBox gedoen het en dit is nie geaktiveer nie, moet jy dit weer by jou rekening voeg. Vir veiligheidsredes verstryk die skakel binne 14 dae.
- Die eerste betaling vir BritBox sal eers begin nadat jou gratis toetsperiode van sewe dae verstryk het. Dit sal pro-rata op jou DStv-betalingsdatum geskied waarna jou intekeningdatums vir DStv en BritBox op dieselfde datum sal geskied.
- Jy kan BritBox op enige toestel wat DStv ondersteun, gebruik.
