Met Disney+ uiteindelik in Suid-Afrika beskikbaar – onder meer via DStv – is duisende flieks en TV-reekse tot kykers se kiesopsies gevoeg. Daaronder tel ál 33 seisoene van die ikoniese animasiereeks The Simpsons, die volledige Star Wars-pakket, die sogenaamde “Disney-kluis” met al hul animasie classics, asook die volledige National Geographic-katalogus. Dan is daar nog Marvel-reekse en -flieks, waaronder die nuwe reeks Moon Knight met Oscar Isaac en Ethan Hawke.
Die nitty-gritty
Disney+ is aanlyn beskikbaar, en ook deur verskeie gekoppelde toestelle, waarvan die DStv Explora Ultra-dekodeerder ’n opsie vir DStv-intekenare is.
Die ooreenkoms tussen DStv en Disney laat toe dat DStv-intekenare toegang tot al die programme en flieks op Disney+ met hul dekodeerder kan kry.
Vier gelyktydige streams word toegelaat – met ander woorde, Disney+ kan op vier toestelle terselfdertyd gekyk word. Intekenare het ook toegang tot onbeperkte downloads op tot tien toestelle. ’n Maksimum van sewe verskillende profiele kan op een intekening gelaai word. Kinderprofiele kan ook opgestel word.
Hoeveel kos dit?
Dit is beskikbaar teen R119 per maand of R1190 vir ’n jaarlikse intekening.
Daar is egter ook spesiale DStv-pakkette wat afslag bied as jy dit met jou DStv-intekening kombineer:
- DStv Premium + Disney+ = R909 per maand
- DStv Compact Plus + Disney+ = R619 per maand
- DStv Compact + Disney+ = R499 per maand
Indien ek op Disney+ op my Explora Ultra inteken, sal ek Disney+ net op my TV kan kyk?
Nee, wanneer jy inteken op die Explora Utra, kry jy toegang tot Disney+ net soos wat jy sou kry indien jy op hulle webblad ingeteken het. Jy kan dit dus ook op jou foon, tablet, TV, of rekenaar kyk.
Het ek toegang tot die internet nodig om Disney+ op DStv te kyk?
Ja. Dit is ’n streaming platform wat beteken dat jy die internet nodig het. Die Explora Ultra het ingeboude wi-fi wat dit maklik maak om dit aan jou internet te koppel.
Die ideaal is natuurlik ’n uncapped konneksie met spoed-aanbevelings as volg:
- ’n minimum van 2Mbps om SD af te laai;
- ’n minimum van 4Mbps vir SD stroming;
- ’n minimum van van 10Mbps vir HD stroming (plus ’n konneksie tot ’n hoë-definisie TV).
