Hier is ’n voorsmakie van wat jy hierdie maand in Skemergrond kan verwag.
Maandag, 2 September
Jasmine belowe ’n ongelukkige Amber dat sy met Erica oor Louis sal praat. Christine kondig aan dat sy die maatskappy gaan herstruktureer. Gloria is verbaas oor Fabian se nuwe houding.
Dinsdag, 3 September
Lily deel slegte nuus met Amber en dit ontstel die hele familie. Die liefde blom tussen Ruan en Patty. Gloria wil niks weet van Kevin totdat sy hoor wat Fabian en Warren gedoen het nie.
Woensdag, 4 September
JP probeer Lily oortuig om haar keuse te heroorweeg. Christine beëndig haar verhouding met Tyler. Kevin en Gloria maak vrede. Brandon se familie word gedreig.
Donderdag, 5 September
Louis maak ’n skokkende ontdekking oor Amber. Fabian sukkel met sy nuwe realiteit. Sylvia en Brandon moet dringend uit Kaapstad ontsnap.
Maandag, 9 September
Ragel stuur vir Ruan op ’n ondersoek. Jasmine moedig Tillie aan om haar stem dik te maak. Amber besef sy kan in groot moeilikheid kom. ’n Nuwe gesin daag in Gemoedsdrif op.
Dinsdag, 10 September
Erica konfronteer vir Louis oor die gesteelde items. Gloria ontmoet vir Beeno. Die spanning loop hoog tussen Brandon en Sylvia. Willem is eerlik oor hoekom hy nie vir Dirk kan verdra nie.
Woensdag, 11 September
JP sit sy voet neer oor Lily en Amber. Sylvia dring aan om te weet wat Brandon se plan is. Beeno flankeer steeds met Gloria. Warren bied vir Fabian werk aan.
Donderdag, 12 September
Lily deel goeie nuus met die Louws. Tillie berei vir Dirk ’n versorgingspakkie voor en dit ontstel Willem. Amber probeer Louis oortuig dat hulle mekaar nog in die geheim kan sien.
Maandag, 16 September
Lily maak teenoor JP oop. Fabian is onseker of hy die dwelms moet verkoop. Shakiel deel goeie nuus met Brandon en Sylvia. Patty is oorheug van vreugde oor Lily se nuus.
Dinsdag, 17 September
Brandon is seergemaak dat sy pa niks met hom te doen wil hê nie. Beeno maak ’n skokkende voorstel aan Gloria. En is Jasmine besig om swakker te word?
Woensdag, 18 September
Ronnie is bekommerd oor Jasmine ná ’n klein ongeluk. Sonja gee vir Christine meer inligting oor Everlasting. Manny gee vir Kevin goeie nuus. Beeno dreig Gloria, maar gaan sy ingee?
Donderdag, 19 September
Beeno begin ’n plan beraam om van Kevin otslae te raak. Jasmine sukkel al hoe meer met haar hand. Die Cloete’s trek eindelik in hul nuwe huis in.
Maandag, 23 September
Ruan is reg vir die volgende stap in sy verhouding met Patty. Hazel dring aan om te weet wat met Jasmine aangaan. Gloria is rasend van bekommernis.
Dinsdag, 24 September
Ruan probeer Patty se ouers opspoor. Beeno gee vir Gloria ’n nuwe aanbod wat haar laat regop sit. Christine probeer meer inligting oor die Louws uit Manny kry.
Woensdag, 25 September
Die Louws sukkel om Jasmine se diagnose te verwerk. Gloria vrees vir haar, Fabian en Kevin se veiligheid. Ruan wonder of Patty iets vir hom wegsteek.
Donderdag, 26 September
Die familie probeer Jasmine oortuig om met die operasie voort te gaan. Ruan konfronteer Patty oor haar verlede. Brandon en Sylvia voel moedeloos, maar Manny het ’n idee.
Maandag, 30 September
Patty is ontsteld ná haar bakleiery met Ruan. Dominee het ’n briljante idee vir die Cloete’s se danskonsert. Sonja probeer uitreik na Christine. Gloria gee vir Beeno ’n finale antwoord.
Skemergrond saai weeksdae uit om 19:30 op kykNET&kie (DStv-kanaal 145) en DStv Stream. Dit is ook ná uitsending op DStv Catch Up beskikbaar.
