In Silverton Siege, loop ’n trio anti-apartheid-vryheidsvegters se sabotasie-sending lelik skeef. Hulle soek skuiling binne ’n bank, maar dit loop op ’n gewelddadige gyselaarsdrama uit, met die groep wat Nelson Mandela se vrylating eis.
Die fliek is op die ware verhaal van die trio, Wilfred Mandela, Humphrey Makhhubu, and Stephen Mafoko, gegrond. In die fliek word dié trio egter twee mans en een vrou, en hul name is verander na Calvin (Thabo Rametsi), Aldo (Stefan Erasmus) and Terra (Noxolo Dlamini).
Stereotipies van dié genre, word twee soorte polisiemanne tydens die apartheidsjare teen mekaar gekontrasteer. Arnold Vosloo is in die rol van ’n “goeie” wit polisieman wat die vryheidvegters se oortuigings respekteer met ’n “slegte” wit polisieman (Justin Strydom) wat sy besluite teenstaan.
Ook met Sarah Kozlowski en Tumisho Masha, in die rolverdeling.
Vanaf 27 April op Netflix.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
