Seinfeld (1989-98) word wyd beskou as die goue standaard vir slice-of-life-komedies – daai stories wat om die niks en die alles van ons alledaagse bestaan draai.
Die sitkom was – en is steeds – geliefd deur beide kritici en ’n kykerpoel wat voortdurend groei soos jonger geslagte aan die reeks se maltrap-karakters Jerry, George, Elaine en Kramer bekendgestel word. Daarvoor is etlike herhalings van Seinfeld se nege seisoene te danke. Die Amerikaanse stroomdiens Hulu het vir ’n ruk lank die uitsaairegte gehad, maar nou is al 180 episodes op Netflix beskikbaar.
Die storie speel af in Manhattan, New York, en draai om die komediant Jerry Seinfeld (hy speel ’n fiktiewe weergawe van homself) en sy drie beste vriende, George (Jason Alexander), Elaine (Julia Louis-Dreyfus) en Kramer (Michael Richards).
George is die mees neuroties van die hele lot (en dit sê nogal baie…), ’n klakous en jaloers op ander se sukses.
Elaine is Jerry se voormalige girlfriend, hopeloos versot op die idee van verhoudings en dus altyd op soek na een.
Oor Kramer en sy wilde hare, eienaardige idees en eksentrieke gewoontes kan ’n mens boeke skryf – hy is nie verniet ’n kyker-gunsteling nie.
Kyk op Netflix.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
