Mindy Kaling se treffer-tienerkomedie Never Have I Ever is terug vir ’n derde seisoen. Maar ons almal weet dis nie net tieners wat kyk nie… Daarvoor is dié skreeusnaakse storie, met uiters relatable awkward oomblikke vir elke ouderdomsgroep, net te lekker. Dié seisoen is die voorlaaste uittog vir die hoofkarakter Devi (Maitreyi Ramakrishnan) en haar vriende, so geniet dit terwyl jy kan.
Met die aanvang van die nuwe seisoen wil-wil dit lyk asof almal hul happily ever afters gekry het…maar hulle kom gou agter dat die lewe alewig struikelblokke oplewer, hetsy gewone hoërskooldrama of die dieper vrae wat deur hul coming-of-age-ontdekkingsreis ontsluit word.
Die reeks het ’n punt van 94% op die resensiewebwerf Rotten Tomatoes met die konsensus wat lui: “(Die reeks) se vars aanslag op die coming-of-age-komedie is sotlik eerlik, lieflik slim en kykers sal waarskynlik halsoorkop verlief raak op die bekoorlike nuweling, Maitreyi Ramakrishnan.”
Tarren-Lee Habelgaarn skryf oor die reeks:
Devi, die hoofkarakter, is ’n uitgesproke tiener wat haar plekkie in die wêreld probeer vind. Haar familie is van Indië, maar het Amerika toe getrek vir ’n beter lewe. Devi was nog altyd ’n bietjie anders en sukkel om ’n brug tussen die twee kulture vind, maar haar wêreld word heeltemal omgedol as haar pa sterf.
Die derde seisoen is vanaf 12 Augustus op Netflix beskikbaar.
Soortgelyke reekse:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
