Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, My naam is Farah, wat na Afrikaans oorgeklank is, kan uitsien.
Maandag, 3 Februarie
Rahsan verhoed dat Farah en Behnam onmiddellik trou. Gönül en Bekir deel ʼn oomblik wat hul albei verbaas. Tahir bevry homself van die martelaar wat Behnam gehuur het.
Dinsdag, 4 Februarie
Vera en Perihan probeer hul geheim vir Mehmet wegsteek. Farah dreig vir Rahsan, Behnam probeer vir Farah uitvang en Tahir neem sake in eie hande.
Woensdag, 5 Februarie
Gönül veroorsaak ʼn opskudding as sy haar aandele aan Farah bemaak. Tahir daag op – tot Behnam se ontsteltenis, veral as Mahmoud hom by Tahir skaar.
Donderdag, 6 Februarie
Mahmoud is vreesbevange vir Tahir se onheilspellende teenwoordigheid en dreigemente, en besluit om vir Tahir ʼn geskenk te gee wat hom sal tevrede stel, en die familie in vrede sal laat.
Maandag, 10 Februarie
Mahmoud nooi vir Tahir na die huis toe om besigheid te bespreek. Farah laat weet vir Benham dat Tahir daar is. Benham daag by die huis op en konfronteer vir Tahir.
Dinsdag, 11 Februarie
Tahir bring Farah na ʼn plek van veiligheid waar ʼn ongewone verrassing wag. Met Mahmoud in intensiewe sorg, blameer almal vir Farah.
Woensdag, 12 Februarie
Vera vertel vir Tahir en Mehmet dat hulle broers is, en wat destyds gebeur het wat hul omstandighede so verander het. Behnam laat vir Haydar en Adil in hegtenis neem.
Donderdag, 13 Februarie
Behnam wil vir Mahmoud vermoor, maar iemand tree tussenbeide en ontvoer sy oom. Tahir en Mehmet praat oor hul verlede en moet terselfdertyd sorg dat Mahmoud veilig is.
Maandag, 17 Februarie
Behnam sê vir Merjan dat hy weet dit was sy wat Mahmoud met ʼn mes gesteek het. Hy wil Mahmoud doodmaak, maar die polisie daag op nadat Farah vir hulle ontbied. Albei word gearresteer.
Dinsdag, 18 Februarie
Farah en Tahir laat Kerim voorgee dat hy siek is en vat hom hospitaal toe. Perihan het ʼn woede-uitbarsting teenoor Mehmet en vertel hom dat Bekir en Gönül in ʼn verhouding is.
Woensdag, 19 Februarie
Farah verander Kerim se bloedtelling-uitslae sodat nog ʼn operasie aanbeveel word, wat Behnam in ʼn moeilike posisie plaas en Farah se ma dalk kan bevry.
Donderdag, 20 Februarie
Tahir en Mehmet verras vir Ilyas, Kerim en Farah sit vas, Akbar probeer sy staal wys en Farah sal enigiets doen om haar ma te red.
Maandag, 24 Februarie
Farah se vreugde wanneer sy haar ma vind, is kortstondig as sy besef dat Behnam vir Kerim ontvoer het. Tahir en Mehmet snoer kragte saam, maar Behnam het ander planne beraam.
Dinsdag, 25 Februarie
Behnam het vir Kerim ontvoer en Farah is in ʼn toestand, terwyl Tahir homself vir die situasie blameer. Tahir besluit dan om vir Merjan te ontvoer.
Woensdag, 26 Februarie
Tahir en Farah oorleef die skietgeveg met Sabdullah, Calat, en die ander, maar Hizir daag op die toneel op. Hy ontvoer vir Farah en besorg haar aan Behnam.
Donderdag, 27 Februarie
Orhan word uit die tronk vrygelaat. Hy vind Ali Galip se lyk, wat ook ʼn rimpeling veroorsaak. Mehmet moet dan die moordenaar opspoor.
My naam is Farah word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
