Hier is ’n voorsmakie van wat jy volgende in Diepe Waters kan verwag.
Woensdag 1 Oktober
Johan en Karla is bekommerd oor Sanet. Nina moedig Hanneli aan om haar poësie op te voer. Juvan is op die afdraande pad.
Donderdag 2 Oktober
Danie smeek Hanneli om by die huis te bly. Anja het ’n uitstekende idee om swemmers na Swarts & Swarts te lok. Juvan druk sy woede uit teenoor Fourie.
Maandag 6 Oktober
Jacques vind uit van die Swartmarlyne Opedag. Hanneli geniet haar vryheid, maar Sanet verval dieper in duisternis.
Dinsdag 7 Oktober
Juvan saai verwoesting, Gys en Nina is bekommerd. Sanet ontvang ’n onverwagse geskenk. Zelda bevind haarself weer terug op Gys se erf.
Woensdag 8 Oktober
Karla verloor geduld met Sanet. Nina sien ’n ander kant van Juvan. Gys sien vir Zelda op sy perseel en konfronteer Pam daaroor.
Donderdag 9 Oktober
Nina is raadop met Juvan, en Sanet haal haar frustrasie op Anja en Rossouw uit. Siseko beïndruk Pam met sy onderhandelingsvernuf.
Maandag 13 Oktober
Gys is bekommerd oor Juvan. Anja en Karla probeer Sanet van depressie red. Dis die opedag by die swembad.
Dinsdag 14 Oktober
Rossouw vra Anja om verskoning. Juvan trek voordeel uit Gys wat nie tuis is nie, en Zelda is verras wanneer Frans by die salon opdaag.
Woensdag 15 Oktober
Sanet verval weer in haar ou gewoontes, en iemand daag op om Anja te verras. Juvan verloor meer as wat hy ooit gedink het hy sal.
Donderdag 16 Oktober
Juvan probeer regmaak wat hy verbrou het, en Josh irriteer vir Rossouw. Zelda en Frans speel steeds speletjies.
Maandag 20 Oktober
Juvan probeer vir Gys beïndruk. Josh vryf vir Rossouw verkeerd op, en Sanet val dieper in ’n donker gat.
Dinsdag 21 Oktober
Nina maak ’n skokontdekking, en Frans verras Zelda. Sanet probeer haar bes om voor te gee alles is in orde.
Woensdag 22 Oktober
Nina is bekommerd oor Juvan, en Gys wonder wat tussen Zelda en Frans besig is om te gebeur.
Donderdag 23 Oktober
Sanet sukkel om voor te gee en Rossouw moet homself in toom hou wanneer hy Anja en Josh saam sien.
Maandag 27 Oktober
Arno bevestig sy vermoedens oor Sanet, en Frans verras die Swarts-broers met ’n aangename aanbod.
Dinsdag 28 Oktober
Sanet maak leë beloftes. Anja maak dit duidelik aan Rossouw dat sy reeds haar keuse gemaak het, en Juvan kry homself in die moeilikheid.
Woensdag 29 Oktober
Juvan is in gevaar – Gys moet hom help. Zelda is kwaad vir Frans, en Sanet belowe dinge sal verander.
Donderdag 30 Oktober
Sanet neem ’n onverskillige besluit, en Juvan probeer sy bes om met Nina te versoen. Zelda is seergemaak en het ’n uitval met Frans.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
