Hier is ’n voorsmakie van wat jy hierdie maand in Binnelanders kan verwag.
Woensdag, 1 Mei
Jonas dink sy plan is besig om te werk, Nicolette vries tydens ’n operasie, en Tertius is bereid om enigiets te doen om Tracy te help. Annetjie se voorlegging is ’n sukses, maar iemand het reeds die “ander” weergawe gesien.
Donderdag, 2 Mei
Rian ontdek ’n leidraad wat hulle moontlik na Jonas kan lei, Steve weet nie of hy vir Nicolette kan vertrou as Vicky in die ongevalle-eenheid beland nie, en Annetjie se drome begin realiseer.
Vrydag, 3 Mei
Steve weet nie wat om oor Vicky se situasie te doen nie, Tertius vrees die ergste vir Tracy, en Annetjie laai nog ’n storie op haar nuwe blog.
Maandag, 6 Mei
Iemand daag in ’n kritieke toestand by Binneland op, en Steve voel hy het te veel druk op Nicolette geplaas. Liefde én vennote se gewildheid begin groei.
Dinsdag, 7 Mei
Tracy en Leah word uiteindelik herenig. Nicolette onderskep iets baie waardevol by iemand uit haar verlede. Anje Staal se verhale bereik groot hoogtes.
Woensdag, 8 Mei
Bonnie vang Annetjie uit, en Annetjie smeek haar om haar identiteit ’n geheim te hou. Febé is bekommerd oor wat sy gesien het, maar Nicolette verduidelik wat sy gevat het.
Donderdag, 9 Mei
Conrad is ontevrede met Tracy se besluit en probeer om haar daarvan te laat afsien. Vicky wil die verlore goedere se eienaars opspoor; en Annetjie vind haar inspirasie by At.
Vrydag, 10 Mei
Tertius is emosioneel en verward oor Tracy se besluit. Annetjie se jongste storie op haar L&V-blog kan dalk tot haar ondergang ly. Andrew word ontslaan, maar daar is ’n kinkel in die kabel.
Maandag, 13 Mei
Andrew bieg oor ’n tweede diamant. Annetjie word oor die kole gehaal, en Tracy nooi Tertius vir ’n kuier.
Dinsdag, 14 Mei
Bonnie moedig Annetjie aan om steeds haar skryfdroom na te volg. Karen ontdek iets wanneer sy en Vicky dink hulle het die bril se eienaar opgespoor. Tertius neem namens Tracy ’n besluit.
Woensdag, 15 Mei
Tertius het genoeg gehad, en Liam is ontsteld omdat ’n projek te lank vat. Karen toets die diamant om te sien of dit eg is.
Donderdag, 16 Mei
Chris soek vir Karen, en Vicky steel die brilkassie terug. Leah raak al sieker en moet opgeneem word. Tracy is in ’n toestand en Tertius sien hoe Conrad haar troos.
Vrydag, 17 Mei
Liam se passie dryf hom tot aksie. Vicky se goeie dade neem ’n nuwe wending, en Steve vertrou nie die vrede nie. Leah se siekte bring Tracy en Conrad nader aanmekaar.
Maandag, 20 Mei
Karen is desperaat om van die diamant ontslae te raak; Liam beraam planne om sy projek vinniger op die been te bring; en Conrad probeer Tracy om verskoning vra.
Dinsdag, 21 Mei
Tracy is in tweestryd oor Conrad en Tertius. Iemand word in Mimi’s aangeval, en Steve, Nicolette en Andrew kom tot die redding.
Woensdag, 22 Mei
Nicolette word gedwing om haar vrese te oorwin, Liam neem ’n besluit wat almal verras. Conrad deel ontstellende nuus met Tertius.
Donderdag, 23 Mei
Nicolette pleit vir haar loopbaan, Louis gee Naomi slapelose nagte, en Tracy trek sak en pak by iemand in.
Vrydag, 24 Mei
Naomi wil graag vir Brenda sien. Tracy se vriende kom kuier, en Nicolette bieg teenoor Ciska.
Maandag, 27 Mei
Louis vermoed Brenda is terug by Mimi’s om haar kind te help, Tracy se eerste dag by Tonik, weg van Leah, is moeilik. Nicolette kry ’n skriftelike waarskuwing vir onprofessionele optrede.
Dinsdag, 28 Mei
Tertius sien op na ’n gholfdag, en Brenda neem Sam vir ’n konsultasie by Steve; en Louis ontdek Naomi se geheim.
Woensdag, 29 Mei
Ciska let vreemde gedrag by Brenda op, en Louis is oorgehaal om ’n oplossing vir sy penarie te vind. Tracy probeer Conrad oorreed dat sy aanbeweeg het met haar lewe.
Donderdag, 30 Mei
Louis sukkel om sy probleem op te los, Nicolette probeer Brenda oorreed dat klein Sam mediese hulp nodig het, en Conrad besluit om die regte ding te doen.
Vrydag, 31 Mei
Conrad plaas dinge in perspektief vir Tracy, maar dan sê Uys iets wat haar laat twyfel. Naomi besef kantoorwerk is nie vir haar nie, en Karen gaan oorboord.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van die reeks is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
