House of the Dragon, gegrond op die skrywer George R.R. Martin se Fire & Blood, speel sowat 200 jaar voor die gebeure van Game of Thrones af. Dit draai om geskiedenis en bewind van Huis Targaryen en die magsbeheptheid wat dié ryk uiteindelik tot ’n val gebring het. Die rolverdeling sluit onder andere vir Olivia Cooke, Emma D’Arcy, Paddy Considine, Matt Smith en Rhys Ifans in.
Hoewel dit nie regtig nodig is om reeds met die wêrelde van Westeros en drake bekend te wees om House of the Dragon te volg nie, sal jou kykervaring wél ryker wees as jy jou eers in al agt seisoene van Game of Thrones verdiep. Jy kan dit op Showmax kyk, not to worry!
Lees ook ons uiteensetting van die sleutelkarakters van die reeks sodat jy kop by draakstert kan hou… Daar is wraggies baie karakters á la Game of Thrones.
Weeklikse episodes vanaf Maandag, 22 Augustus om 03:00 (Express from the US-uitsending) met ’n herhaling om 21:30. Ook op DStv Online en Catch Up.
