Ons geliefde Diepe Waters-karakters word in Mei gekonfronteer met nuwe uitdagings, én sekere keuses het verreikende gevolge wat niemand kon voorsien het nie. Hou dié storielyne vandeesmaand dop.
1
Pam en Siseko se verhouding
Pam en Siseko se verhouding is baie broos, met emosionele nuus wat Pam diep raak en Siseko tot introspeksie dwing. Sal hul verhouding die toets deurstaan?
2
Is daar meer tussen Juvan en Nina?
Nuwe, onverwagse emosies begin tussen Nina en Juvan ontwikkel. Karla en Lucas probeer om die twee nader aan mekaar te bring, maar selfs die mees opregte pogings loop nie altyd soos beplan nie.
3
Bianca stoomroller voort
Van sakevoorstelle tot persoonlike konfrontasies – Bianca hou nie terug nie. Haar selfvertroue ontlok egter sterk reaksies.
4
Groot toekomsdrome vir Henry en Lettie
Henry en Lettie het drome van ’n gesin, en met Alice in hul lewens lyk dit asof daardie drome dalk ’n werklikheid kan word. Dié wending lei egter ook tot onverwagse uitdagings wat hul verhouding onder nuwe druk plaas.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Diepe Waters is ook op Catch Up beskikbaar.
