Tien boere, ’n nuwe aanbieder en die moontlikheid van ’n liefde wat ’n leeftyd hou: Boer soek ’n vrou se 19de seisoen begin met ’n uitnodiging aan voornemende pasmaats om die eerste tree te gee.
Dirk (39), ’n beesboer van Groot Marico in Noordwes, hoop dié seisoen bring hom nader aan die vrou met wie hy die lewe kan deel.
Dirk, wat ’n positiewe uitkyk op die lewe het, is ’n sakeman en boer, wie se hart op die plaas lê. Hy geniet jag, gholf en motorfietswedrenne, maar maak ook graag tyd vir reis en vakansies in die Tuinroete. Hy skryf in met die hoop om sy lewensmaat te ontmoet en die lewe saam te geniet.
Sy ideale vrou is aanpasbaar, intelligent en iemand wat omgee en oor sterk Christelike waardes beskik. Sy moet goed kan kommunikeer, aktief leef en met selfvertroue vir haarself en haar waardes opstaan.
As jy sterk in jou waardes staan en lus is om die lewe saam met iemand aan te pak, vertel Dirk in ’n brief van jouself.
Skryf só in
- Besoek www.kyknet.tv.
- Bel die vervaardigers, Wolflight, by 079 614 2229.
- Stuur ’n e-pos na: boer@wolflightsa.com
- Stuur ’n brief of pakkie na Boer soek ’n vrou, Coronation-laan 11, Somerset-Wes 7130.
- Voornemende pasmaats kan tot middernag op 27 November 2026 vir die boere skryf.
