Timmy Yoon (Randall Park) is ’n analoog-dromer wat in ’n 5G-wêreld leef. Letterlik. Hy het immers sy hele volwasse lewe aan sy liefde vir flieks gewy deur eers by die Blockbuster Video in sy tuisdorp te werk en later as bestuurder oor te neem.
Soos tegnologie oor die jare verander maak die een ná die ander videowinkel toe. Dan kom die oproep – sy Blockbuster Video is die laaste een oor. In die hele wêreld. Timmy en sy werknemers moet bontstaan om die plek oop te hou.
Park (Fresh Off The Boat, Always Be My Maybe) is nommerpas as Timmy en die res van Blockbuster se rolverdeling pas gemaklik by sy ekstra-droë-humorsin aan. Melissa Fumero (Brooklyn Nine-Nine) en Olga Merediz (In the Heights, Encanto) is veral goed om die draaiboek met genuanseerde physical comedy in te kleur.
Die bekroonde akteur J.B. Smoove (Curb Your Enthusiasm) maak dié komediereeks ekstra lekker met sy kenmerkende spel-mannerismes wat ’n mens, soos met Jennifer Coolidge se spel in Two Broke Girls, na verlang as jy dit vir ’n ruk lank nie ervaar het nie.
Vanaf 3 November op Netflix.
Soortgelyke reekse:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
