Beef, ’n komedie-drama met Ali Wong en Steven Yeun in die hoofrolle, is sonder twyfel een van vanjaar se TV-kroonjuwele.
Die reeks, bestaande uit tien episodes, draai om die nagevolge van ’n padwoedevoorval tussen twee vreemdelinge. Yeun vertolk Danny Cho, ’n sukkelende kontrakteur met ’n grootse chip op sy skouer, terwyl Wong haar voete in die skoene van ’n entrepreneur met ’n prentjiemooi lewe plaas. Ons kan maar net toekyk hoe ’n intense vete ná die voorval tussen die twee ontwikkel. Niks – geen verhouding of deel van hul lewens – is veilig van die tentakels van hul langdurige twis nie.
Die reeks het ’n punt van 99% op die resensiewebwerf Rotten Tomatoes. Peter Travers van ABC News bestempel dit reeds as vanjaar se “mees verslawende nuwe reeks”.
Barbara Evert van die Observer skryf weer: “Beef omsluit werklik moderne woede, en al die verskillende redes daarvoor.”
Vanaf 6 April 2023 op Netflix beskikbaar om te stroom.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
