Ja, Ruiterbosch het omtrent ’n stormagtige winter agter die rug, en hoewel die donker wolke plek maak vir sonskyn, broei daar onheil in die skadu’s… Hier’s wat in September op Suidooster-kykers wag.
1
Dit blyk dit dat van die inwoners se hegte vriendskappe met mekaar iets van die verlede is.
2
Die Daniels-gesin kom voor ’n groot toets te staan. Tyron, Lee-Ann en Brendan se wêreld verander in ’n oogwink en ’n onsekere toekoms staar hulle in die gesig.
3
Terselfdertyd besef Siya en Danni dat ouerskap uitdagend bly. Dít terwyl Carlo vir Bennie vra om ’n geheim oor iets te hou wat groot moeilikheid kan beteken as dit op die lappe kom…
4
Nazeem het ’n nuwe onderduimse plan (surprise, surprise…), en oudergewoonte gee hy nie om wie in die proses seerkry nie.
5
Daar is nuwe spanning in die Samsodien-gesin en Rhafiek sit dalk met die gebakte pere…
6
Susan kry ’n opwindende nuwe loopbaangeleentheid. Dit lyk ook of daar weer liefde vir Kate gaan blom.
7
Rugbykoors loop ook hoog in Ruiterbosch. Van die inwoners gaan maak selfs ’n Franse draai om die Bokke te ondersteun.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
