Station Eleven is gegrond op die gelyknamige boek deur Emily St. John Mandel. Wees gewaarsku: die post-apokaliptiese TV-verwerking wyk wel drasties van die boek af. Onder dié veranderinge tel dat die reeks in Amerika afspeel eerder as in Kanada soos in die boek.
Die reeks se middelpunt is ’n groep oorlewendes wat ’n bestaan probeer maak as reisende kunstenaars. Soos ’n sirkus van ouds, amper. Maar selfs 20 jaar nadat ’n baie erge grieppandemie amper die mensdom geheel en al vernietig het, is die wat oorleef het steeds nie veilig nie. Nou word dié groepie kunstenaars deur ’n gewelddadige kultusgroep bedreig.
Die TV-verwerking het reeds ’n rits toekennings ingepalm en ook ’n punt van 98% op Rotten Tomatoes behaal.
Buiten Mackenzie Davis is Himesh Patel (Don’t Look Up), Screen Actors Guild-wenner Lori Petty (Orange is the New Black), en Cannes-wenner Gael García Bernal (Y tu mamá también) ook in die rolverdeling.
Kyk Station Eleven nou op Showmax.
Lees ook Watkykjy se resensie hier.
