Die lang wag is uiteindelik verby! Nêrens, Noord-Kaap Deel II is vanaf Dinsdag 16 September 2025 op Showmax beskikbaar om te stroom nadat dit verlede jaar op kykNET uitgesaai is. Dié reeks van 13 episodes tel op waar die eerste 13 episodes geëindig het. Al die hoofspelers van Deel 1 is ook in Deel II te sien, en dieselfde produksiespan, Nagvlug Films, was agter die skerms doenig.
Wat gebeur volgende in die storie?
Ná afloop van die wankelrige reis terug na hul ouerplaas, Nêrens, probeer drie broers, Frans (Geon Nel), Ronnie (Albert Pretorius), en Andries (De Klerk Oelofse), en hul pa (Frank Opperman) mekaar ná jare van vervreemding opnuut leer ken. Maar hoe leer jy liefhê as die dolk van ’n ma se dood steeds diep in almal se harte steek? Soos met Deel I, is daar in Deel II tonele wat in die hede asook in die verlede – toe die drie broers nog jonk was – afspeel.
Hier is wat agter die skerms op die stel van dié dramareeks gebeur het.
(Al die foto’s is deur Zaheer Banderker geneem.)
Nêrens, Noord-Kaap Deel II is vanaf 16 September 2025 op Showmax beskikbaar om te stroom. Deel I is ook reeds op Showmax beskikbaar.
Dié artikel is oorspronklik in September 2024 gepubliseer met die première van die reeks op kykNET (DStv-kanaal 144). Die oorspronklike artikel is aangepas met die reeks se nuwe uitsaaibesonderhede op Showmax.
