Menu terloops
In Lysie-lysie [11 Aug 2023]

5 hoogtepunte uit ‘Housewives’ Anita Lloyd en Mel Viljoen se gesprek op ‘Laataand by Rian’


Aan die begin het niemand van hulle gehou nie, maar teen die tyd wat die finale episode se eindtitels gerol het, was beide onder kykers se gunsteling-housewives. Só was Anita Lloyd van ‘Die Real Housewives van die Wynlande’ en Melany Viljoen van ‘Die Real Housewives van Pretoria’ eens tydens hul gesprek met die aanbieder Rian van Heerden oor hul ervarings as deel van die Housewives-franchise.

Stroom aanlyn

5 hoogtepunte uit ‘Housewives’ Anita Lloyd en Mel Viljoen se gesprek op ‘Laataand by Rian’

In Laataand by Rian nooi die aanbieder Rian van Heerden weekliks ’n nuusmaker na sy restaurant in Pretoria. Die tweede gas is altyd ’n verrassing vir die eerste gas en dis gewoonlik iemand wat hulle glad nie verwag nie. En vandeesweek was dit ook die geval met Anita en Mel toe Mel midde Rian se onderhoud met Anita haar verskyning gemaak het. Te verwagte het albei prontuit oor hul ervarings op die reeks gesels.

Anita Lloyd en Mel Viljoen Laataand by Rian die Real Housewives van die wynlande
Anita Lloyd en Mel Viljoen saam met Rian van Heerden op Laataand by Rian. Foto: Verskaf

Hoogtepunte uit die gesprek:

1

Anita voel sy was te naïef 

Anita het vir Rian vertel dat sy nie meer Checkers toe kan gaan om haar inkopies te doen nie. Om elke hoek en draai word sy gestop vir ’n foto en haar man, Boyce, wil nie meer saam met haar winkels toe gaan nie.

“Hulle (vreemdelinge) roep my by die naam en hulle praat met my en voer met my ’n gesprek asof hulle my jare ken! Dis ’n groot kompliment, maar ek het goedjies om te doen. Ek is rêrig net daar vir ’n brood en ’n melk,” het Anita vertel.

2

Anita oor Boyce se aftrede

Toe Anita se man, Boyce, se aftrede by KWV aangekondig is, het baie mense gesê dis as gevolg van haar gedrag tydens Die Real Housewives van die Wynlande. Sy sê dis ’n ongelooflike groot kompliment dat mense dink sy is die rede vir haar “ongelooflike hardwerkende man met ’n ontsettende goeie reputasie se aftrede”. Maar sy wens tog dat mense liewer oor die reeks – of oor haar – eerder as Boyce sou skryf.

3

Anita is glad nie spyt oor Die Real Housewives van die Wynlande nie

Sy meen dat as jy jouself heeltyd gaan bevraagteken oor hoekom jy sekere goed gedoen het, gaan dit nie dinge beter maak nie.

“Dit was die plan om myself bloot te stel. Ek wou wys dat iemand my ouderdom kan nog ’n mooi rokkie aantrek, haar lippies rooi maak, haar hare krul en sy kan oukei wees en aangaan.” 

4

Toe Anita en Mel bietjie skinder…

Rian het vir Anita uitgevra oor haar mede-huisvrou, Karen Schwendtke (lees ons onderhoud met haar hier), se kommentaar dat sy soos Mel wou wees. Anita sê toe trots sy wou nie, want sy is reeds ’n “alfa-vrou”. En net daar stap Mel in om haar te verras. En haar eerste woorde was: “Nee, my hart gaan staan! Ek gaan nou flou word!”

Toe Anita begin praat oor die poker-aand en Karen se gedrag, was Mel se reaksie: “Ek weet hoekom sy so was. Dit was payback. Sy het gesê dit was aspris en dat sy dit so beplan het. Ek weet nie wat voor dit gebeur het nie, maar dit was payback.”  

5

Anita en Mel gesels oor hulle ervaring

Hoewel Anita en Mel nie in dieselfde reeks was nie, het hulle dieselfde reaksie van kykers gekry, meen dié vroue. Aan die begin het niemand van hulle gehou nie en soos die reeks aangegaan het, het mense van hulle begin hou. Mel sê sy kry talle boodskappe van meisies wat haar inspirerend vind en dat mense by haar salon opdaag net om haar te ontmoet.

Anita ervaar dieselfde.

“Ek ervaar die meeste aanhang van jong getroude paartjies, jong tieners en ook die gay-gemeenskap.”

Anita Lloyd en Mel Viljoen Laataand by Rian die Real Housewives van die wynlande
Anita Lloyd en Mel Viljoen lag lekker saam. Foto: Verskaf

Die volledige episode is op Catch Up beskikbaar en jy kan dit ook kyk op DStv Stream. Rian se volgende gas is die uitgeworpe ANC-lid Carl Niehaus. Laataand by Rian is elke Dinsdagaand om 21:00 op kykNET (DStv-kanaal 144) te sien. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies