Menu terloops

Yellowstone S1-5

Op Showmax [Gepubliseer op 6 Jul 2023]


‘Yellowstone’, met Kevin Costner in die hoofrol, is deur verskeie resensente as ’n hedendaagse ‘Dallas’ beskryf. Al vyf reekse is nou op Showmax beskikbaar.

Kyk nou

Yellowstone S1-5
Kyk lokprent

Yellowstone se dramatiese storielyne (dit word nie verniet as ’n hedendaagse Dallas beskryf nie…) hou amper nie eens kers vas by die drama wat agter die skerms afspeel nie – hoofsaaklik tussen die reeksskepper, Taylor Sheridan, en die star of the show, die bekroonde akteur Kevin Costner. (So stram is dinge, dat Costner dalk selfs nie vir die volgende seisoen gaan terugkeer nie…)

Costner het vanjaar die Golden Globe-toekenning vir beste akteur vir sy spel as die genadelose patriarg John Dutton in dié reeks gewen. As Dutton, ken hy geen perke as dit by sy plaas in Montana en sy nalatenskap kom nie – hy sal dit van enigiets en alles beskerm, hetsy teen sy vyande, die inheemse gemeenskappe wat glo dat hulle op die grond geregtig is, of ambisieuse eiendomsontwikkelaars.

Ook in die rolverdeling tel Luke Grimes, Kelly Reilly, Wes Bentley en Cole Hauser.

Die reeks het reeds verskeie spin-offs, waaronder die twee prequel-reekse, 1883 en 1923, wat op vorige generasies van die Dutton-familie en die Yellowstone Dutton Ranch, óftewel die Yellowstone van die titel, fokus.  

Die neo-Western-agtige drama het ’n punt van 84% op die resensiewebwerf Rotten Tomatoes met Buzzfeed wat skryf dat dit “Amerika se belangrikste drama op die oomblik” is.


Binge vanaf 6 Julie 2023 op Showmax. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies